| 1.1 |
Die Nasionale Beleid oor Assessering en Kwalifikasies vir Skole in die AOO-band (Staatskoerant no 29626 van 2007) verskaf die vereistes vir vordering in graad 1 - 8 en bevordering in graad 9. Alhoewel die bevorderingsvoorwaardes uitgespel word vir graad R - 8, is duidelike vlakke van prestasie nie in die Staatskoerant ingesluit nie. |
| 1.2 |
Die beleid is onlangs hersien om die spesifieke vorderings- en bevorderingsvereistes vir graad 1 - 9 in te sluit, soos goedgekeur deur die Raad van Onderwysministers op
17 November 2008. |
| 1.3 |
Die Wes-Kaap Onderwysdepartement (WKOD) het die hersiene vorderings- en bevorderingsvereistes van die Departement van Onderwys ontvang in 'n dokument gedateer 1 April 2009. |
| 1.4 |
Die nuwe vorderings- en bevorderingsvereistes word hieronder gespesifiseer. |
| 2. |
Vordering in die Grondslagfase: (Graad 1 - 3)
(Aanslagskaal 1 - 4)'n Aanslagkode van ten minste 3 vir die Geletterdheid (Huistaal of Taal van Leer en Onderrig) en 'n aanslagkode van ten minste 3 vir die Gesyferdheidsleerprogramme
| Aanslagkode |
Beskrywing van bevoegdheid |
| 4 |
Verdienstelike tot uitmuntende prestasie
(Alle aspekte van assesseringstandaarde behaal) |
| 3 |
Voldoende tot beduidende prestasie
(Sleutelaspekte van assesseringstandaarde behaal) |
| 2 |
Matige tot voldoende prestasie
(Ten minste die helfte van die assesseringstandaarde behaal) |
| 1 |
Ontoereikende tot basiese prestasie
('n onbeduidende getal assesseringstandaarde behaal) |
|
| 3. |
Vordering in die Intermediêre Fase: (Graad 4 - 6)
(Aanslagskaal 1 - 4)'n Aanslagskaal van ten minste 3 vir enige drie leerareas, waarvan een óf die Huistaal óf die Taal van leer en onderrig moet wees, EN 'n aanslagkode van ten minste 2 vir enige drie van die oorblywende leerareas, waarvan een Wiskunde moet wees.
| Aanslagkode |
Beskrywing van bevoegdheid |
% |
| 4 |
Verdienstelike tot uitmuntende prestasie
(Alle aspekte van assesseringstandaarde behaal) |
70 - 100 |
| 3 |
Voldoende tot beduidende prestasie
(Sleutelaspekte van assesseringstandaarde behaal) |
50 - 69 |
| 2 |
Matige tot voldoende prestasie
(Ten minste die helfte van die assesseringstandaarde behaal) |
35 - 49 |
| 1 |
Ontoereikende tot basiese prestasie
('n Onbeduidende getal assesseringstandaarde behaal) |
0 - 34 |
|
| 4. |
Senior Fase: Vordering in graad 7 en 8 en Bevordering in graad 9
(Aanslagskaal 1 - 7)'n Aanslagskaal van ten minste 4 vir enige drie leerareas, waarvan een óf die Huistaal óf die Taal van leer en onderrig moet wees, EN 'n aanslagkode van ten minste 3 vir enige drie van die oorblywende leerareas, waarvan een Wiskunde moet wees.
| Aanslagkode |
Beskrywing van bevoegdheid |
% |
| 7 |
Uitmuntende prestasie |
(Alle aspekte van alle assesseringstandaarde behaal) |
|
| 6 |
Verdienstelike prestasie |
Feitlik alle aspekte van alle assesseringstandaarde behaal |
70 - 79 |
| 5 |
Beduidende prestasie |
Sleutelaspekte van assesseringstandaarde behaal |
60 - 69 |
| 4 |
Voldoende prestasie |
Sleutelaspekte van meeste assesseringstandaarde behaal |
50 - 59 |
| 3 |
Matige prestasie |
Ten minste die helfte van die assesseringstandaarde behaal |
40 - 49 |
| 2 |
Basiese prestasie |
'n Onbeduidende getal assesseringstandaarde behaal |
30 - 39 |
| 1 |
Ontoereikende prestasie |
Geen prestasie |
0 - 29 |
|
| 5. |
Die nuwe vorderings- en bevorderingsvereistes is bedoel om assessering in die AOO-band te versterk. Hierdie vereistes sal verseker dat duidelik haalbare teikens van bevoegdheid uitgespel word in die assessering van leerders sodat leerders sowel as onderwysers daarna kan strewe om dieselfde teikens te bereik. Dit sal verseker dat leerderprestasie oor verskillende leerkontekste heen en in al die provinsies gestandaardiseer word. |
| 6. |
Onderwysers moet hierdie vereistes gebruik om te oordeel of leerders aan die kurrikulumvereistes voldoen het aan die einde van 'n graad. |
| 7. |
Die bogenoemde bevorderingsvereistes is van krag vanaf 2009. |
| 8. |
Die WKOD is bewus van die belangrikheid om vooruit te beplan en sou graag hierdie vereistes aan die begin van 2009 wou bekendstel. Aangesien al die ander provinsies die nuwe vordering- en bevorderingsvereistes implementeer, is die WKOD ook verplig om die nuwe vereistes te implementeer. |
| 9. |
Bring asseblief die inhoud van hierdie omsendbrief onder die aandag van alle opvoeders, ouers en alle betrokkenes. |
GETEKEN: T SINGH
HOOF: ONDERWYS
DATUM: 2009:05:22
|