1. INLEIDING
1.1 U word verwys na Omsendbrief 0048/2008. Die skoolbeheerliggaam- (SBL-) verkiesings is geskeduleer vir Junie 2009. Na oorlegpleging met die provinsiale SBL-belanghebbendes en die nasionale Departement van Onderwys (DvO), is 'n besluit geneem deur die Wes-Kaap Onderwysdepartement (WKOD) om skole in die Wes-Kaap toe te laat om met hulle SBL-verkiesingsproses op 1 Mei 2009, in plaas van 1 Junie 2009 te begin. Die SBL-verkiesingsproses sal dus plaasvind tussen 1 Mei 2009 en 30 Junie 2009 om seker te maak dat alle SBL-lede aan die einde van Junie 2009 verkies sal wees.
1.2 Die WKOD wil graag alle prinsipale bedank wat die provinsiale opleiding vir SBL-kiesbeamptes bygewoon het. Hierdie prinsipale sal elk 'n brief en 'n sertifikaat ontvang wat deur hulle onderwysdistriksdirekteur onderteken is en wat sertifiseer dat hulle as beamptes mag optree by die SBL-verkiesing van 'n gekose en/of aangrensende skool. Die aanstelling van SBL-kiesbeamptes by elke skool sal deur die distrikskiesspan bestuur word.

2. WYSIGINGS AAN DIE PROVINSIALE MAATREËLS
2.1 Die WKOD het 'n aantal wysigings aan die Provinsiale Maatreëls aanbeveel. Hierdie wysigings verskyn in tabelvorm in die aangehegte Bylae A
2.2 Die wysigings in Bylae A is gepubliseer in die Provinsiale Kennisgewing 138/2009 van 24 April 2009. Hierdie wysigings, en ander, indien nodig, sal mettertyd ingesluit word as deel van die Hersiene Maatreëls.

3. AFWYKINGS VAN DIE ENKEL- DAG-VIR-NOMINASIES-EN-VERKIESINGSPROSES
3.1 Skole moet aansoek doen by die Hoof van die Departement om verlof om af te wyk van die proses van een dag vir nominasies en verkiesing, soos in die provinsiale maatreëls aangekondig is.
3.2 Enige afwyking mag op geen wyse die betrokkenheid van enige ouer benadeel nie en moet deeglik verduidelik en gemotiveer word aan die skoolgemeenskap, sodat almal verstaan watter proses gevolg moet word.
3.3 Hierdie voorwaardes moet duidelik gestel word in die aansoek gerig aan die Hoof van die Departement:

4. VERKIESING VAN LEDE VAN DIE VERTEENWOORDIGENDE RAAD VAN LEERDERS (VRL) TOT DIE SKOOLBEHEERLIGGAAM
4.1 Die VRL sal uit sy geledere twee leerders kies wat lede sal wees van die SBL. Die termyn van 'n lid van die beheerliggaam wat 'n leerder is, mag nie een jaar oorskry nie.
4.2 Tydens die 2009 SBL-verkiesing sal nuwe ouer-, opvoeder- en nie-opvoederlede verkies word. Dit sal nie nodig wees om die twee VRL-lede wat op die SBL dien weer te verkies nie, aangesien hulle reeds in plek is. Hulle termyn op die SBL oorskry nie een jaar nie en hulle is verkiesbaar om op die nuwe SBL te dien tot aan die einde van 2009.
4.3 Die prosedure vir die nominasie en verkiesing van opvoederlede, soos voorgeskryf in die Provinsiale Maatreëls, sal dus nie van toepassing wees op die nominasie en verkiesing van leerderlede tydens die SBL-verkiesings van Mei 2009 en Junie 2009 nie.

5. DIE SKOOLKIESSPAN
5.1 Prinsipale word daaraan herinner dat die skoolkiesspan saamgestel moet word en moet funksioneer om te beplan vir 'n suksesvolle verkiesing. Omsendbrief 0048/2008 skets die samestelling van hierdie span.
5.2 Belangrike funksies van die skoolkiesspan is die voorbereiding van die kieserslys, voorbereiding van kieslokale en die bekendmaking van verkiesings in die skoolgemeenskap.

6. ONDERSTEUNING AAN SKOLE
6.1 Dit is die plig van die distrikkiesspan om toesig te hou oor die verkiesingsproses in die onderwysdistrik en kringe.
6.2 Indien u skool hulp of raad nodig het, moenie huiwer om die gepaste distrikskiesspankoördineerder soos hieronder aangedui te kontak nie.

  Onderwysdistrik Kiesspankoördineerder vir distrik Tel.no.
1 Kaapse Wynland Mnr J van Tonder 023 348 4680
2 Eden & Sentrale Karoo Mnr E Magodla 044 803 8300
3 Metro-Sentraal Mnr J Petersen 021 659 4300
4 Metro-Oos Mnr Z. Conco 021 900 7000
5 Metro-Noord Mnr H Botha 021 938 3000
6 Metro-Suid Mnr R Job 021 370 2000
7 Overberg Mnr J Bailey 028 212 1730
8 Weskus Mnr F Claasen 021 860 1200
6.3 Die Provinsiale Kiesspan sal skole en SBL'e ook voorsien van inligting aangaande die oorhandigingsproses van die huidige tot die nuutverkose SBL, sowel as van inligting vir die nuutverkose SBL.

7. BEKENDSTELLING
7.1 Verskeie bekendstellingstrategieë word beplan op nasionale, provinsiale en distriksvlak om ouers, gemeenskapslede, ouers en nie-onderwyspersoneel aan te moedig om aan die SBL-verkiesingsproses by die skool deel te neem.
7.2 Op gemeenskapsvlak onderneem SBL-verenigings, wat deel uitmaak van die provinsiale kiesspan, die mobilisering van ondersteuning, met behulp van verskeie gemeenskapstrukture.
7.3 Skoolkiesspanne word aangemoedig om hulle eie strategieë te ontwikkel om ondersteuning vir die komende verkiesings by hulle skole te mobiliseer.


GETEKEN: TS LINGELA
HOOF: ONDERWYS
DATUM: 2009:05:04

Bylae A  (grootte: 9 KB)