| 1. |
Die Interprovinsiale Eksamineringskomitee het die nasionale eksamenrooster opgestel nadat alle belanghebbendes in die onderwys en geloofsorganisasies geraadpleeg is. Hierdie rooster is onderskryf deur die Hoofde van Onderwys-departemente-komitee (HODKOM) en deur die Raad van Onderwysministers goedgekeur. |
| 2. |
Die Rekenaartoepassingstegnologie (RTT) Spoedtoets (Opsioneel) Rekenaartoepas-singstegnologie Vraestel 1 (Prakties) en Inligtingstegnologie (IT) Vraestel 1 (Prakties) sal afgeneem word op 7, 8 en 9 Oktober onderskeidelik. |
| 3. |
Leerders wat nie RTT en IT aanbied nie moet skool bywoon soos gewoonlik op 7, 8 en 9 Oktober 2009. |
| 4. |
Vanaf 12 Oktober tot 23 Oktober 2009 sal normale skoolonderrig voortgaan om soveel onderrigtyd as moontlik te benut. Geen graad 12-leerder mag vir studie-doeleindes voor 23 Oktober 2009 vrygestel word nie. |
| 5. |
Alle praktiese vakke, nie-amptelike tale en vakke met min inskrywings sal tussen 26 en 30 Oktober 2009 geskryf word |
| 6. |
Die groter eksamenvakke is geskeduleer om vanaf 2 November 2009 tot 3 Desember 2009 geskryf te word. |
| 7. |
Twee eksamensessies is vir elke dag geskeduleer. Die oggendsessie sal om 09:00 en die namiddagsessie om 14:00 begin. |
| 8. |
Prinsipale en sentrumbestuurders moet die kandidate asseblief in kennis stel dat die Nasionale Senior Sertifikaat se aanvullende eksamen in Februarie/Maart 2010 afgeneem sal word en nie verwar moet word met die Senior Sertifikaat-eksamen wat in Mei/Junie 2010 afgeneem word nie. |
| 9. |
Ingesluit is 'n afskrif van die finale rooster vir die 2009 Nasionale Senior Sertifikaat-eksamen. |
| 10. |
Prinsipale en sentrumbestuurders word versoek om alle roosterbotsings aan die WKOD te rapporteer. Sodanige verslae moet op skrif voor Vrydag, 16 Mei 2009, by die volgende adres ingedien word:
Hoof: Onderwys
Vir aandag: Mnr TJ Magwaca (Kamer 814)
Wes-Kaap Onderwysdepartement
Privaatsak X9114
KAAPSTAD
8000
Faks: 021 467 2620
E-posadres: tmagwaca@pgwc.gov.za
|
| 11. |
Prinsipale en sentrumbestuurders word versoek om alle kandidate in kennis te stel dat hulle beskikbaar moet wees tot op die laaste dag van die skoolkwartaal (11 Desember 2009), indien dit om enige rede nodig sou wees om 'n bepaalde vraestel oor te skryf. |
GETEKEN: BK SCHREUDER
HOOF: ONDERWYS
DATUM: 2009:04:14
|