1. Kuvunyiwe ukwandiswa kwezi bhasari zilandelayo ukususela nge-1 Apreli 2008:
1.1 Ezona ntlawulo ziphezulu zeebhasari zokubhoda ezihlawulwa abafundi abasweleyo kwiihostele zezikolo zikarhulumente eziqhelekileyo zandisiwe ukusuka kwi-R4 704.00 ukuya kwi-R5 174.00 ngomfundi ngonyaka.
1.2 Ezona ntlawulo ziphezulu zeebhasari zokubhoda kwiindawo zabucala neebhasari zezothutho ezihlawulwa abafundi abasweleyo kwezi zithili zemfundo, West Coast, Cape Winelands, Eden & Central Karoo ne-Overberg, zandisiwe ukusuka kwi-R1 096.00 ukuya kwi-R1 206.00 ngomfundi ngonyaka.

QAPHELA Ezi bhasari zibalwa ngokungqinelana novavanyo lobungakanani bemfuno (means test) oluvunyiweyo neekhrayitheriya ezimiselweyo ezicacaswe kwiSetyhula 0143/1998 ye-6 Novemba 1998 nakwiSetyhula 0029/2001 ye-3 Matshi 2001.
2. Kukwavunyiwe ukwandiswa kwezi nkxaso-mali zabasebenzi zilandelayo ukususela nge-1 Apreli 2008:
2.1 Inkxaso-mali (subsidy) yabasebenzi ehlawulwa kwizikolo zikarhulumente ezinenani labafundi ababhalisileyo elingaphantsi kwabafundi abayi-201 ukwenzela ukuthenga iinkonzo zezolawulo nezokucoca yandisiwe ukusuka kwi-R315.00 ukuya kwi-R346.00 ngomfundi ngonyaka.
2.2 Inkxaso-mali yabasebenzi ehlawulwa kwiihostele zikarhulumente ezinenani labafundi ababhalisileyo elingaphantsi kwabafundi abayi-50 abahlala ehostele ukwenzela ukuthenga ukutya kwesondlo (nutrition)/ iinkonzo zokucoca yandisiwe ukusuka kwi-R4 363.00 ukuya kwi-R4 800.00 ngomfundi ngonyaka.
2.3 Inkxaso-mali yabasebenzi ehlawulwa ecaweni/kwiihostele zabucala ukwenzela ukuthenga ukutya kwesondlo (nutrition)/iinkonzo zokucoca yandisiwe ukusuka kwi-R1 098.00 ukuya kwi-R1 208.00 ngomfundi ngonyaka.
3. Kucelwa wazise okukule setyhula amalungu ebhunga lolawulo lesikolo nabo bonke abachaphazelekayo ukuze bakuthathele ingqalelo.


ISAYINWE: NGU-RM MATLI
INTLOKO: YESEBE LEMFUNDO
UMHLA: 2008:11:21