1. Uluhlu lweencwadi ezimiselweyo eziya kuviwa ngoMeyi-Juni 2009
1.1 Apha kule setyhula kuqhotyoshelwe izintlu zeencwadi ezimiselweyo ze-Afrikansi, isiNgesi, isiXhosa, iSesotho neSetswana eziya kuviwa yi-WCED ngoJuni 2009 kwiimviwo zeMatriki. (IsiHlomelo A)
1.2 Abaviwa abanqwenela ukubhala ezinye iilwimi bangacela izintlu zeencwadi ezimiselwe ukufundwa kwiCandelo loLawulo loVavanyo ngokunxibelelana noMnu. TJ Magwaca kule nombholo 021 467 2626 okanye ngale dilesi ye-imeyile: tmagwaca@pgwc.gov.za.

2. Umhla wokuvala ukubhalisela iimviwo zikaMeyi-Juni 2009
2.1 Umhla wokuvala ukubhalisela uviwo lukaMeyi-Juni 2009 nguLwesibini we-30 Septemba 2008. Abaviwa bangabhalisa kumaziko emfundo oluntu okanye kwiziko lonxibelelwano lwe-WCED, 2nd floor, Grand Central Towers, Lower Plein Street, Cape Town. Bayacelwa abaphathi bamaziko emfundo oluntu nabaviwa ukuba bawubambe ngqo loo mhla.
2.2 Imihla yokubhalisela iimviwo zika-2010 no-2011 iya kwaziswa kamva.

3. Uluhlu lwezifundo eziya kuviwa ngo-2009
3.2 Kwintlanganiso yeKomiti yeeNtloko zamaSebe eMfundo (Heads of Education Departments Committee), kwavunyelwana ukuba uviwo lukaMeyi-Juni luya kuphelela kwizifundo ezithile kuphela. Uluhlu lwezifundo zeMatriki eziya kuviwa ngoMeyi-Juni 2009 luqhotyoshelwe apha njengesiHlomelo B.
3.2 Abaviwa abangesosigxina mabaqaphele ukuba abasayi kuvunyelwa ukuba bathathe isifundo esinecandelo lepraktikhali.

4. Ziyacelwa iinqununu, abaphathi bamaziko, kunye namagosa eWCED, ukuba bancede bazise ngokubhalwe kule setyhula bonke abaviwa abanqwenela ukubhala uviwo lweMatriki ngoJuni 2009.


ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2008:09:04

isiHlomelo A: "List of prescribed works"  (ubukhulu: 75 KB)
isiHlomelo B: "List of Senior Certificate subjects to be examined"  (ubukhulu: 10 KB)