1. |
Olu xwebhu lomgaqo-nkqubo, National Policy on the Conduct, Administration and Management of the National Senior Certificate: A Qualification at Level 4 on the National Qualifications Framework (NQF), olukule Gazethi 30048 yowe-6 Julayi 2007, lubonisa ukuba makusekwe iKomiti kaZwelonke yokuSingatha iZitenxo zeeMviwo (National Examinations Irregularities Committee (NEIC)) neKomiti yePhondo yokuSingatha iZitenxo zeeMviwo (Provincial Examinations Irregularities Committee) (PEIC). I-PEIC mayithwale uxanduva lokusingatha izitenxo zovavanyo kwiphondo.
|
2. |
Kwintlanganiso yeKomiti yeeNtloko zamaSebe eMfundo (Heads of Education Departments Committee (HEDCOM)) eyayibanjwe nge-12 Meyi 2008, iHEDCOM yaxhasa isiphakamiso seKomiti yeeMviwo eDibanisa amaPhondo (Inter-Provincial Examinations Committee) sokuba ngasinye isithili semfundo masiseke iKomiti yeSithili yokuVavanya iZitenxo zoVavanyo (District Assessment Irregularities Committee (DAIC)).
|
3. |
I-DAIC iya kuba lisetyana (appendage) leKomiti yePhondo yokuSingatha iZitenxo zeeMviwo (PEIC) yaye iya kusebenza phantsi kolawulo lwamagunya ePEIC ize inike ingxelo qho kwiPEIC. I-PEIC iya kudibanisa iingxelo ezivela kuzo zonke iiDAIC ize inike ingxelo yephondo kwiKomiti kaZwelonke yokuSingatha iZitenxo zeeMviwo (National Examinations Irregularities Committee).
|
4. |
I-DAIC iya kusingatha zonke izitenxo zovavanyo, kuwo omabini amanqanaba ele-GET nele-FET, yaye iya kudlala indima ebaluleke kakhulu ekusingatheni izitenxo ezinxulumene nee-CTA nezovavanyo lweBakala 12.
|
5. |
Apha kule setyhula kuqhotyoshelwe, njengesiHlomelo A, isikhokelo malunga nendlela iDAIC emayisekwe ngayo nokuba yenziwe ngoobani kunye namagunya olawulo aya kuba ngawekomiti elolu hlobo.
|
6. |
Amalungu eDAIC azakutyunjwa yiNtloko yeSebe leMfundo, ngokususela kwiingcebiso zabalawuli bezithili kunye neNtloko yoLawulo lweeMviwo noVavanyo kwiphondo.
|
7. |
Bayacelwa abalawuli bezithili ukuba bangenise amagama amalungu abawacebisayo eDAIC nganye kuMlawuli woLawulo loVavanyo (Director: Assessment Management) ungadlulanga owe-29 Agasti 2008.
|
8. |
Kulindeleke ukuba ii-ofisi zezithili zibe sele zizisekile iiDAIC zazo nekufuneka zibe sele zisebenza ngokupheleleyo nge-30 Septemba 2008.
|
9. |
Isaziso esifanelekileyo esimalunga nokusebenza kweDAIC masithunyelwe kuzo zonke izikolo ezikwisithili.
|
10. |
ICandelo loLawulo loVavanyo liya kukubeka esweni ukusekwa kweeDAIC ukususela ku-Septemba 2008 ukuya phambili.
|
11. |
Iya kuthakazelelwa intsebenziswano yakho malunga noku.
|
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2008:08:13
|