IKhabhinethi kaZwelonke yenze isigqibo sokuba onke amasebe kufuneka azamele ukufanisa imida yeenkonzo zawo nemida yoomasipala ebhengezwe ngokomgaqo-siseko. IKhabhinethi yePhondo leNtshona Koloni igqibe ekubeni ithobele esi sigqibo yaza yayalela onke amasebe ephondo ukuba afanise imida yeenkonzo zawo nemida yoomasipala bephondo. IKhabhinethi yePhondo igqibe ekubeni yandise inani lezithili zee-EMDC ukusuka kwezisixhenxe ukuya kwezisibhozo (ezine kwimimandla esemaphandleni ephondo nezine kwimimandla yeedolophu zephondo.)

1.	Ukuphendula kwezi zigqibo zingentla, abaphathi beSebe leMfundo leNtshona Koloni (WCED) bafikelele kwisigqibo sokuba:

1.1	kwahlula-hlulwe ukuma kommandla weWCED ube zizithili ezisibhozo ukuphucula iinkonzo;

1.2	kusetyenziswe igama elithi "isithili semfundo" endaweni yelithi "iziko lolawulo nophuhliso lwemfundo";

1.3	kusetyenziswe imida yeCandelo C (Category C) yoomasipala kwimimandla esemaphandleni njengemida yezithili zemfundo kwimimandla esemaphandleni;

1.4	kusetyenziswe imida yeewadi kwimimandla yeedolophu ukwenza imida yezithili zemfundo kwimimandla yeedolophu;

1.5

kusetyenziswe la magama alandelayo kwizithili zemfundo ezisibhozo: ISithili seMfundo iMetro North ISithili seMfundo iMetro South ISithili seMfundo iMetro East ISithili seMfundo iMetro Central ISithili seMfundo iWest Coast ISithili seMfundo iCape Winelands ISithili seMfundo i-Eden & Central Karoo ISithili seMfundo i-Overberg

1.6

kuphinde kwahlula-hlulwa ezi zithili zisibhozo zaba ziisekethe zemfundo eziyi-49 ngolu hlobo lulandelayo: ezisi-7 kwiSithili seMfundo iMetro South ezisi-7 kwiSithili seMfundo iMetro North ezi-6 kwiSithili seMfundo iMetro East ezi-6 kwiSithili seMfundo iMetro Central ezi-5 kwiSithili seMfundo iWest Coast ezi-3 kwiSithili seMfundo i-Overberg ezisi-7 kwiSithili seMfundo i-Eden & Central Karoo ezisi-8 kwiSithili seMfundo iCape Winelands

1.7

kuqinisekiswe ukwabiwa ngokufanayo (equitable distribution) kwamaziko emfundo phakathi kwezithili kummandla weedolophu iCape Town metropolitan area, ukwenzela ukuba kubekho umthwalo womsebenzi ofanayo phakathi kwee-ofisi zezithili zemfundo (Jonga ku-2.1 - 2.9 ukukhangela iikhrayitheriya nezinto ezibangele ukuba kumiselwe imida yezithili zemfundo); kuze

1.8	kwabelwe ngalinye iziko lemfundo eliphantsi kwephiko leSebe leMfundo leNtshona Koloni (ngaphandle kweekholeji zeFET) isekethe yemfundo yona ephantsi kwesithili semfundo.

2.	Kuye kwasetyenziswa ezi khrayitheriya nezi zinto zilandelayo xa bekumiselwa imida emitsha yezithili zemfundo. (Kuveliswe ubuncinane iindlela ezilishumi phambi kokuba kwenziwe isigqibo sokugqibela malunga nemida.)

2.1	Isigqibo seKhabhinethi yePhondo sokuba amasebe kaRhulumente ePhondo afanise imida yawo yeenkonzo naloo mida karhulumente woomasipala, kangangoko oku kunokwenzeka.

2.2	Intlupheko kwisithili semfundo ngasinye

2.3	Indawo esikuyo isikolo ngasinye

2.4	Inani labafundi kwisithili semfundo ngasinye

2.5	Inani lezikolo kwisithili semfundo ngasinye

2.6	Inani lezikolo eziphakamileyo kuthelekiswa nenani lezikolo eziziiprayimari kwisithili semfundo ngasinye

2.7	Iindidi zezikolo kwisithili semfundo ngasinye, umz. ex-DET, ex-HOR, ex-HOA

2.8	Iziphumo zezikolo zaseprayimari zoLwazi lokuFunda nokuBhala noLwazi lokuBala

2.9	Iziphumo zeMatriki zezikolo eziphakamileyo

3.	UMphathiswa weSebe leMfundo wePhondo leNtshona Koloni wamkele oku kulandelayo:

3.1	Ukuba imida apho kuphela khona ezi Wadi 1, 2, 4, 5, 6, 9, 10, 12, 13, 18, 19, 20, 21, 22, 23, 24, 25, 26, 27, 28, 29, 30, 32, 36, 39, 70, 101, 103, 104 no-105 kummandla weedolophu zePhondo leNtshona Koloni, ewela ngaphakathi kumda welizwe iRSA, yenze umda weSithili seMfundo iMetro North

3.2	Ukuba imida apho kuphela khona ezi Wadi 3, 7, 8, 11, 14, 15, 16, 17, 83, 84, 85, 86, 87, 89, 90, 91, 92, 93, 94, 95, 96, 97, 98, 100 no-102 kummandla weedolophu zePhondo leNtshona Koloni, ewela ngaphakathi kumda welizwe iRSA, yenze umda weSithili seMfundo iMetro East

3.3	Ukuba imida apho kuphela khona ezi Wadi 31, 40, 41, 42, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 74 no-77 kummandla weedolophu zePhondo leNtshona Koloni, ewela ngaphakathi kumda welizwe iRSA, yenze umda weSithili seMfundo iMetro Central

3.4	Ukuba imida apho kuphela khona ezi Wadi 33, 34, 35, 37, 38, 43, 61, 62, 63, 64, 65, 66, 67, 68, 69, 71, 72, 73, 75, 76, 78, 79, 80, 81, 82, 88 no-99 kummandla weedolophu zePhondo leNtshona Koloni, ewela ngaphakathi kumda welizwe iRSA, yenze umda weSithili seMfundo iMetro South

3.5	Ukuba imida apho kuphela khona aba masipala i-Bergrivier, iCederberg, iMatzikama, iSaldanha, iSwartland ne-West Coast kwimimandla esemaphandleni ePhondo leNtshona Koloni, ewela ngaphakathi kumda welizwe iRSA, yenze umda weSithili seMfundo iWest Coast

3.6	Ukuba imida apho kuphela aba masipala i-Cape Agulhas, i-Overstrand, iSwellendam ne-Theewaterskloof kwimimandla esemaphandleni ePhondo leNtshona Koloni, ewela ngaphakathi kumda welizwe iRSA, yenze umda weSithili seMfundo i-Overberg

3.7	Ukuba imida apho kuphela khona aba masipala i-Breede River, iBreede River-iWinelands, iBreede Valley, iDrakenstein, iStellenbosch neWitzenberg kwimimandla esemaphandleni ePhondo leNtshona Koloni, ewela ngaphakathi kumda welizwe iRSA, yenza umda weSithili seMfundo iCape Winelands

3.8

Ukuba imida apho kuphela khona aba masipala iBeaufort-West, iCentral Karoo, iGeorge, iKannaland, iKnysna, iLaingsburg, iLangeberg, iMossel Bay, i-Oudtshoorn, iPlettenberg Bay, iPrince Albert neSouth Cape kwimimandla esemaphandleni ePhondo leNtshona Koloni, ewela ngaphakathi kumda welizwe iRSA, yenze umda weSithili seMfundo i-Eden & Central Karoo

4.	Uya kwaziswa ngencwadi ebhaliweyo ngumlawuli wesithili semfundo wakho, ngesithili semfundo nesekethe yemfundo iziko lakho lemfundo elifakwe phantsi kwazo.

5.

Ngasinye isithili semfundo siya kulawulwa ngumlawuli wesithili ize isekethe yemfundo ilawulwe ngumphathi wekomiti yesekethe (circuit team manager (CTM)). I-CTM iya kulawula iqela lamagosa aya kwenza ikomiti yesekethe. Ikomiti yesekethe iya kuthwala uxanduva lokunika inkxaso, lokubeka esweni nokuvavanya amaziko emfundo kwisekethe yemfundo. Inqununu okanye umphathi weziko lemfundo ngalinye uya kumelwa kukuphendula ngezenzo zakhe kwi-CTM malunga nokusebenza kunye nokulawulwa kweziko lakhe.

6.	Umhla wokuphunyezwa kwale setyhula ngowe-1 Julayi 2008.

7.	Umlawuli wesithili wakho uya kuqhagamshelana nawe kwakamsinya ukuba nixoxe ngamalungiselelo okwenziwa komsebenzi nangamalungiselelo ngeli thuba lokutshintshelwa kule nkqubo intsha ukwenzela ukuba ube nokufumana inkxaso kwi-ofisi yesithili semfundo yakho.

8.	Kucelwa wazise okukule le setyhula bonke abasebenzi namalungu ebhunga lolawulo lesikolo ukuze bonke bakuthathele ingqalelo.

ISAYINWE: NGU-RB SWARTZ
INTLOKO: YESEBE LEMFUNDO
UMHLA: 2008:06:13