| 1. |
Olu xwebhu lomgaqo-nkqubo, the National policy on the Conduct, Administration and Management of the National Senior Certificate. A qualification at Level 4 on the National Qualifications Framework (NQF), olukule Gazethi 30048, lubonisa ukuba isikolo ngasinye kufuneka siseke iKomiti yokuSingatha iZitenxo zoVavanyo lweZikolo (School Assessment Irregularities Committee) (SAIC).
|
| 2. |
Lo mgaqo-nkqubo ubonelela ngokusekwa kwezi zitraksha zilandelayo ukujongana nezitenxo zovavanyo kumanqanaba kazwelonke, awephondo nawezikolo.
|
| 2.1 |
|
UMphathiswa weMfundo kazwelonke kufuneka aseke iKomiti yokuSingatha iZitenxo zeeMviwo zikaZwelonke (National Examinations Irregularities Committee) (NEIC) ukuxhasa amasebe amaphondo ekuqinisekiseni ukunyaniseka kweemvavanyo neemviwo. |
| 2.2 |
|
Amasebe emfundo amaphondo kufuneka aseke iKomiti yePhondo yokuSingatha iZitenxo zeeMviwo (Provincial Examinations Irregularities Committee) (PEIC) ukuphanda ngezitenxo nokwenza iingcebiso kuMphathiswa wePhondo nakwiNtloko yeSebe leMfundo;
|
| 2.3 |
|
Izitenxo kuvavanyo lwangaphakathi ezichaphazela abafundi mazisingathwe esikolweni okanye kwiziko lemfundo yiKomiti yeSikolo yokuSingatha iZitenxo zoVavanyo (School Assessment Irregularities Committee) (SAIC), ngokungqinelana nomgaqo-nkqubo obonelelwe lisebe lemfundo lephondo.
|
| 3. |
Kulindeleke ukuba isikolo ngasinye siseke i-SAIC. Inkqubo, iindima nemisebenzi kufuneka zicaciswe kumgaqo-nkqubo wovavanyo wesikolo. Okuqhotyoshelwe kule setyhula njengesiHlomelo A sisikhokelo malunga nendlela i-SAIC efanele ukusekwa ngayo nabantu ekufaneleke ukuba babe kwikomiti elolu hlobo.
|
| 4. |
Izikolo kulindeleke ukuba zibe sezizisekile ii-SAIC zazo kwaye zibe sele zisebenza ngokupheleleyo ngomhla we 30 Juni 2008.
|
| 5. |
I-SAIC iya kusombulula zonke izitenxo kuvavanyo, kuwo omabini amanqanaba ele-GET nele-FET. I-SAIC iya kudlala indima ebalulekileyo kwizitenxo ezilunxumene nee-CTA novavanyo lweBakala 12.
|
| 6. |
ISebe i-WCED liya kukubeka esweni ukusekwa kwee-SAIC ukususela kuJuni 2008 ukuya phambili.
|
| 7. |
IGazethi kaRhulumente No. 30048 ingakotshwa ngekhompyutha (downloaded) kwiziko lewebhu lecandelo lovavanyo neemviwo leSebe i-WCED apha http://curriculum.pgwc.gov.za/site/21/page/view .
|
| 8. |
Iya kuthakazelelwa intsebenziswano yakho malunga noku.
|
ISAYINWE: NGU- TT SINGH
INTLOKO: YESEBE LEMFUNDO
UMHLA: 2008:05:12
|