| 1. |
Ingevolge Regulasie 3 van die Regulasies betreffende die Vrystelling van Ouers van die Betaling van Skoolgeld, 2005, is Beheerligame en prinsipale van openbare skole verplig om ouers skriftelik in kennis te stel van die bedrag van die jaarlikse skoolgeld en die prosedure vir aansoek om vrystelling van die betaling van skoolgeld wanneer leerders tot die skool toegelaat word. Die Regulasies bepaal verder dat die prinsipaal en ouer die voorgeskrewe vorm vir dié doel moet onderteken as bevestiging dat die ouer ingelig is.
|
| 2. |
Regulasie 3(1)(d) bepaal dat 'n afdruk van die ondertekende vorm aan die Departementshoof of sy/haar gedelegeerde gestuur moet word vir rekorddoeleindes.
|
| 3. |
Die Departementshoof het ingevolge artikel 62(2) van die Suid-Afrikaanse Skolewet, 1996 (Wet 84/1996), soos gewysig, sy bevoegdhede soos in die aangehegte skedule uiteengesit, gedelegeer aan beamptes van die Wes-Kaap Onderwysdepartement. Hierdie delegerings is onmiddellik van krag.
|
| 4. |
U samewerking sal waardeer word.
|
GETEKEN: H.A. LEWIS
HOOF: ONDERWYS
DATUM: 2008:03:12
|