1. In Omsendbrief 51/2007 van 20 September 2007 en vorige omsendbriewe in verband met Norme en Standaarde vir skoolbefondsing is prinsipale van openbare skole versoek om besparingsmaatreëls toe te pas om elektrisiteitsrekeninge laag te hou. In die lig van die huidige elektrisiteitstekort in ons land en Eskom se versoek dat alle verbruikers elektrisiteit bespaar, word alle prinsipale weer eens versoek om die veldtog te ondersteun deur die onderstaande maatreëls te implementeer:
1.1 Buiteligte moet gedurende die dag afgeskakel word.
1.2 Klaskamerligte moet slegs gedurende die dag aangeskakel word indien die natuurlike beligting onvoldoende is.
1.3 Slegs die sekuriteitsligte en die hoekkamers se ligte moet saans aangeskakel word.
1.4 Gedurende naweke en skoolvakansies moet laasgenoemde ligte saans aangeskakel en soggens afgeskakel word.
1.5 Die installering van meters vir voorafbetaalde elektrisiteit moet oorweeg word aangesien skole beter beheer oor hul gebruik van en besteding aan elektrisiteit kan uitoefen. Eskom en die meeste munisipaliteite het aangedui dat hulle die meters sal kan voorsien.
2. Bring asseblief die inhoud van hierdie omsendbrief onder die aandag van die beheerliggaam, die personeel en die leerders by die skool.


GETEKEN: T.S. SHAYI
HOOF: ONDERWYS
DATUM: 2008:02:08