| 1. |
Volgens paragraaf (6) van die beleidsdokument: Die Nasionale Senior Sertifikaat: 'n kwalifikasie op vlak 4 op die Nasionale Kwalifikasieraamwerk (NKR), word vakveranderinge in die volgende gevalle toegelaat:
|
| 1.1 |
'n Leerder mag een of meer vakke in sy of haar graad 10-jaar verander.
|
| 1.2 |
Leerders mag 'n vak in graad 11 of 12 verander indien die skool dit in die beste belang van die leerder ag om 'n vak te verander. Die skool mag so 'n besluit neem slegs na oorlegpleging met die Hoof van die Departement of sy / haar gedelegeerde.
|
| 2. |
Die proses vir alle vakveranderinge in graad 10 tot 12 moet in die skool se assesseringsbeleid verduidelik word.
|
| 3. |
Die prinsipaal is as onderrigleier aanspreeklik vir die toepassing van alle beleid.
|
| 4. |
Die leerder en die ouer / voog moet daarvan bewus gemaak word dat die kies van sekere vakke, afhangend van die vakgroeperings, die leerder kan verhoed om 'n tersięre kwalifikasie te verwerf. Skole moet leerders dus oor hulle vakkeuses adviseer sodat dit nie hulle toekomstige loopbane in die wiele ry nie.
|
| 5. |
Let daarop dat die Nasionale Senior Sertifikaat (NSS) slegs toegeken sal word indien 'n leerder bevoegdheid demonstreer in al die leeruitkomste en assesseringstandaarde wat oor 'n driejaartydperk (graad 10, 11 en 12) gedek sou word.
|
| 6. |
Vakveranderinge in graad 10 sal deur die skool bestuur word.
|
| 7. |
Vakveranderinge in graad 11 en 12 moet vermy word tensy dit as absoluut noodsaaklik beskou word, in welke geval die volgende prosedure van toepassing is:
|
| 7.1 |
Die ouer moet skriftelik by die prinsipaal aansoek doen om die vakverandering.
|
| 7.2 |
Die prinsipaal sal ontvangs van die versoek in 'n amptelike brief aan die ouers erken, waarin die naam en besonderhede van die leerder en die ou en nuwe vakke gemeld word.
|
| 7.3 |
Die besluit of die nodige vakverandering uitgevoer sal word, sal gegrond word op die leerder se geskiedenis, die prestasie van die leerders in die ou vak en die rede vir die verandering.
|
| 7.4 |
Die prinsipaal sal oorleg pleeg met die leerder, die ouer/voog, die vakonderwyser en die kurrikulumadviseur vir daardie vak, en konsensus moet bereik word oor of dit in die beste belang van die leerder is om van vak te verander.
|
| 7.5 |
Na behoorlike oorlegpleging en nadat instemming bereik is, moet die leerder, ouer/voog, klasonderwyser en die prinsipaal 'n samewerkingsooreenkoms onderteken (Bylae A), wat aandui dat die vakverandering in die beste belang van die leerder gedoen word.
|
| 7.6 |
'n Brief van die skool, wat ondersteun word deur 'n brief van die ouer en die samewerkingsooreenkoms, moet by die distriksdirekteur ingedien word, wat dit by die WKOD (Hoofkantoor) sal indien.
|
| 7.7 |
Versoeke om goedkeuring van vakveranderinge in graad 11 en 12 moet een maand voor die aanvang van die nuwe akademiese jaar via die distrikskantoor by die WKOD ingedien word. Versoeke om vakveranderinge sal slegs in uitsonderlike gevalle na die aanvang van die akademiese jaar goedgekeur word, maar nie later nie as 25 Januarie.
|
| 8. |
Dit is die verantwoordelikheid van die prinsipaal om seker te maak dat die leerder se registrasie op SOBIS korrek is.
|
| 9. |
Maak asseblief seker dat ouers, onderwysers en leerders in graad 10 tot 12 bekend is met die inhoud en implikasies van hierdie beleid.
|
GETEKEN: B.K. SCHREUDER
HOOF: ONDERWYS
DATUM: 2008:02:05
|