| 2. |
Vakverandering in graad 10 en 11
|
| 2.1 |
Vanaf 2009 sal skole alle vakveranderinge in graad 10 en 11 bestuur.
|
| 2.2.1 |
'n Leerder mag 'n maksimum van twee vakke in graad 10 verander, onderworpe aan die goedkeuring van die prinsipaal van die skool waar die leerder geregistreer is.
|
| 2.2.2 |
'n Leerder mag een vak in graad 11 verander, onderworpe aan die goedkeuring van die prinsipaal van die skool waar die leerder geregistreer is.
|
| 2.3 |
Die skool se assesseringsbeleid moet die proses vir enige vakverandering wat op skoolvlak geïmplementeer word, duidelik uiteensit.
|
| 2.4 |
Die leerder en die ouer/voog moet daarvan bewus gemaak word dat die kies van sekere vakke, afhangend van die vakgroeperings, die leerder kan verhoed om tersiêre opleiding te verwerf. Skole moet leerders dus oor die korrekte vakkeuses adviseer.
|
| 2.5 |
Let daarop dat die Nasionale Senior Sertifikaat (NSS) slegs toegeken sal word indien 'n leerder bevoegdheid demonstreer in al die leeruitkomste en assesseringstandaarde wat oor 'n driejaartydperk (graad 10, 11 en 12) gedek word.
|
| 2.6 |
Die sluitingsdatum vir vakveranderinge in graad 10 - 11 is 28 Februarie van elke jaar.
|
| 3. |
Vakverandering in graad 12 |
| 3.1 |
'n Leerder kan SLEGS EEN vak in graad 12 verander en dit sal slegs in uitsonderlike gevalle toegelaat word, in welke geval die volgende prosedure van toepassing is:
|
| 3.1.1 |
Die ouer/voog moet skriftelik by die prinsipaal aansoek doen om die vakverandering.
|
| 3.1.2 |
Die besluit of die nodige vakverandering uitgevoer sal word, sal gegrond word op die leerder se geskiedenis, die prestasie van die leerder in die ou vak en die rede vir die verandering.
|
| 3.1.3 |
Die prinsipaal sal oorleg pleeg met die leerder, die ouer/voog, die vakonderwyser en die kurrikulumadviseur vir daardie vak, en konsensus moet bereik word of dit in die beste belang van die leerder is om van vak te verander.
|
| 3.1.4 |
Na behoorlike oorlegpleging en nadat ooreenstemming bereik is, moet die leerder, ouer/voog, klasonderwyser en die prinsipaal 'n samewerkingsooreenkoms onderteken (Bylae A), wat aandui dat die vakverandering in die beste belang van die leerder gedoen word.
|
| 3.1.5 |
'n Brief van die skool, wat ondersteun word deur 'n brief van die ouer en die samewerkingsooreenkoms, moet ingedien word by die kringspanbestuurder of die IBB-bestuurder wat sal seker maak dat die aansoek korrek en volledig is, en dit by die WKOD (Hoofkantoor) sal indien vir die aandag van die Hoofdirekteur: Assessering en Eksamens.
|
| 3.2 |
Versoeke om goedkeuring van 'n vakverandering in graad 12 moet die onderwysdistrikskantoor teen 31 Januarie van die bepaalde jaar bereik. Die datum waarop die versoek deur die onderwysdistrikskantoor by die Hoofdirekteur: Assessering en Eksamens ingedien moet word, is 14 Februarie.
|
| 3.3 |
Dit is die prinsipaal se verantwoordelikheid om seker te maak dat die korrekte leerderregistrasie teen 15 Maart van elke jaar op SOBIS afgehandel is.
|
| 4. |
Prinsipale word vriendelik versoek om die inhoud van hierdie omsendbrief onder die aandag van personeel, ouers/voogde en leerders te bring.
|
GETEKEN: BK SCHREUDER
HOOF: ONDERWYS
DATUM: 2008:11:27
|