| 1. |
Verwys asseblief na Omsendbrief 0074/1998 van 29 Junie 1998 en daaropvolgende omsendbriewe waarin beleid oor jaareindgesellighede en tyd af vir Kersinkopies uiteengesit is. Ten einde verwarring onder personeel te voorkom oor wat toelaatbaar is, word die belangrikste inligting hieronder herhaal. |
| 2. |
Benewens die toegewings wat normaalweg aan die einde van elke jaar gemaak word, d.w.s. korter werksure op die werksdag voor Kersfees en die werksdag voor Nuwejaarsdag, sal personeel ook toegelaat word om een Kersmiddagete gedurende die Kersseisoen by te woon. Hierdie middagete kan enige vorm aanneem, maar mag nie voor 12:30 begin nie. Personeel hoef nie na die ete na hulle kantoor terug te keer nie. |
| 3. |
Geen verdere versoeke aangaande tyd af vir Kersinkopies of bywoning van ander gesellighede sal goedgekeur word nie.
|
| 4. |
Dit is ook noodsaaklik dat reëlings vir gesellighede in oorlegpleging met die bepaalde lynbestuurder (op direkteursvlak) getref word. |
| 5. |
Dit is belangrik dat hoofde van direktorate hierdie tyd van die jaar die nodige reëlings tref om noodsaaklike dienste te voorsien en om toe te sien dat telefone beantwoord word. |
| 6. |
Lig asseblief alle personeel onder u beheer in oor die inhoud van hierdie omsendbrief. |
GETEKEN: S CYSTER
HOOF: ONDERWYS
DATUM: 2008:11:14
|