| 1. |
Aangeheg is die rooster vir die die kandidate wat die 2008 Senior Sertifikaat Aanvullende Eksamen gaan aflê en ook deeltydse kandidate wat die Senior Sertifikaat Eksamen van Mei / Junie skryf.
|
| 2. |
Die sluitingsdatum vir inskrywings is Donderdag 31 Januarie 2008. Skoolhoofde en kandidate word versoek om streng by hierdie datum te hou, aangesien laat inskrywings nie aanvaar sal word nie.
|
| 3. |
Eksamensentrums vir die aanvullende eksamen sal ingerig word by sekondêre skole en ander sentrums soos deur die Departement bepaal. Indien 'n skool nie as sentrum vir die aanvullende eksamen beskikbaar is nie, moet die skoolhoof sy of haar kringbestuurder teen nie later as 31 Januarie 2008 daarvan in kennis stel sodat reëlings vir 'n alternatiewe sentrum getref kan word.
|
| 4. |
Die hoofopsiener moet verseker dat kandidate die eksamenlokaal 30 minute voor die amptelike begintyd van die eksamensessie binnegaan. Hierdie tyd moet soos volg benut word:
|
| 4.1 |
Die eerste 20 minute moet gebruik word om te sorg dat die kandidate in hulle korrekte sitplekke sit, om die vraestelle uit te deel, ens.
|
| 4.2 |
Gedurende die oorblywende 10 minute moet die kandidate die eksamenvraestel deurlees.
|
| 5. |
In geen stadium van hierdie 30 minute-voorbereidingsperiode mag kandidate toegelaat word om te skryf of notas te maak nie. 'n Oortreding van hierdie reël sal as 'n onreëlmatigheid beskou word.
|
| 6. |
Kandidate moet ophou skryf op die tyd wat op die eksamenrooster aangedui word.
|
| 7. |
Bring asseblief die inhoud van hierdie omsendbrief onder die aandag van alle kandidate wat die November 2007 Senior Sertifikaat-eksamen afgelê het en enige kandidate wat van plan is om die Mei / Junie 2008 eksamen af te lê.
|
GETEKEN: B.K. SCHREUDER
HOOF: ONDERWYS
DATUM: 2008:01:18
|