1. Omsendbrief 0028/2008, gedateer 14 Augustus 2008, het betrekking.
2.1 Onderstaande geld vir die vakke Afrikaans, Engels, Xhosa, Sotho en Tswana:
2.1.1 Hoër en Standaardgraad is uitgefaseer. Taal word as Huistaal, Eerste Addisionele Taal of Tweede Addisionele Taal aangebied.
2.1.2 Die boeke wat in die lyste opgeneem is vir graad 7, 8, 9, 10 én 11 is aanbevelings.
2.2 Die volgende is die voorskrifte vir ál bogenoemde tale in graad 10 en 11:
2.2.1 HUISTAAL behandel poësie, een roman en een drama/versdrama. Al hierdie genres word intern geëksamineer. Vir die mondelinge respons op letterkunde kan kortverhale, of enige van die genres soos in die Vakassesseringsriglyne van Januarie 2008 uiteengesit, behandel word. Die vereiste is dat die genre wat vir mondelinge respons op letterkunde gebruik word, nie een van die genres moet wees wat in die letterkundevraestel (Vraestel 2) geëksamineer word nie. Die mondelinge respons op letterkunde word ook intern geëksamineer.
2.2.2 EERSTE ADDISIONELE TAAL behandel ENIGE TWEE van die volgende: poësie, roman, drama/versdrama, kortverhale. Die twee genres word intern geëksamineer. Vir die mondelinge respons op letterkunde kan enige van die genres soos in die Vakassesseringsriglyne van Januarie 2008 uiteengesit, behandel word. Die vereiste is dat die genre wat vir mondelinge respons op letterkunde gebruik word, nie een van die genres moet wees wat in die letterkunde-vraestel (Vraestel 2) geëksamineer word nie. Die mondelinge respons op letterkunde word ook intern geëksamineer.
2.2.3 TWEEDE ADDISIONELE TAAL behandel ENIGE EEN van die volgende: poësie, roman, drama, kortverhale. Die genre word intern geëksamineer. Tweede Addisionele Taal-kandidate doen nié mondelinge respons op letterkunde nie en behandel dus slegs EEN genre vir die jaar.
3. Die Departement vra verskoning vir enige onsekerheid wat as gevolg van Omsendbrief 0028/2008 mag ontstaan het.


GETEKEN: BK SCHREUDER
HOOF: ONDERWYS
DATUM: 2008:10:09