Besonderhede van die Norme-en-standaardetoekenning (N&S) vir die finansiële jaar wat strek vanaf 1 April 2009 tot 31 Maart 2010 vir u skool is op SOBIS gepubliseer. Skole kan toegang daartoe verkry deur die volgende te doen:

Log aan op SOBIS. Daar is 'n boodskap op een van die eerste skerms wat die prosedure aanbeveel. Kliek "Proceed". Beweeg die pyltjie oor die "Administration"-kiesitem op SOBIS en kliek op "Norms and Standards Allocation". Druk asseblief die bladsy.

U aandag word op die volgende gevestig:

Daar word voorgestel dat skole hulle beskikbare toekenning soos volg tussen die onderskeie uitgawekategorieë verdeel:

• 50% vir leer- en onderrigondersteuningsmateriaal (LOOM) vir 2010. Elke leerder moet vir elke leerarea of vak 'n handboek hê. Sien Bylae A vir die lys items wat by LOOM ingesluit is.
• 24% vir munisipale dienste. Skole kan 'n groter persentasie vir munisipale dienste begroot indien uitgawetendense dit vereis.
• 6% vir instandhouding.
• 20% vir plaaslike aankope.

(a)

Skole kan, onderhewig aan die volgende voorwaardes, minder geld vir handboeke en ander boeke toeken indien elke leerder in die skool 'n handboek vir elke leerarea of vak en toegang tot ander LOOM soos lees- en navorsingsmateriaal het, EN indien die beheerliggaam 'n formele besluit oor die afwyking geneem het. indien die beheerliggaam se besluit rakende die begroting wat aan die ouervergadering voorgelê is, verduidelik word en die bedrag wat per leerder aan handboeke en ander boeke bestee word, vermeld word. Hierdie besluit moet by die ouervergadering voorgelê word, ongeag of dit deur die IBB-adviseur ondersteun word al dan nie.

(b)

Alle skole moet die Voorkeurverkrygingsbeleid van die provinsie nakom by die aanwending van die N&S-toekenning vir aankoop van LOOM. Daar is twee lyste van verskaffers vir hierdie doel. Die eerste lys (voorkeurlys) verteenwoordig daardie verskaffers wat voorkeur moet kry. Hulle is die sogenaamde voorheen benadeelde individue (VBI's) en klein, medium en mikro-ondernemings (KMMO's). Skole moet handboeke en ander boeke ter waarde van ten minste 70% van die N&S-toekenning vanaf die verskaffers op die eerste lys aankoop. LOOM vir die balans (30% van die toekenning vir LOOM) mag vanaf verskaffers op die tweede lys aangekoop word. Die nuutste lyste is onder dekking van aparte omsendbriewe aan skole voorsien.

(c)	Skole word daaraan herinner dat dit hulle verantwoordelikheid is om ernstige pogings aan te wend om 'n groter afslag met hul verskaffers te beding.

(d)

Hoe om LOOM te verkry Nie-artikel 21 skole moet die voorgeskrewe prosedures in Bylae A volg. Artikel 21-skole moet by die Voorkeurverkrygingsbeleid hou by die plasing van bestellings vir hulle LOOM-aankope by geregistreede verskaffers op die B/WKOD 60-kontrak. Skole moet alle VOO-handboeke van die nasionale goedgekeurde VOO-katalogus (verwys na DCF Omsendminuut 018/2008) kies. Met die kies van LOOM vir AOO- of voorgeskrewe voorgeskrewe werke, moet skole die riglyne en seleksie van die WKOD Kurrikulum-direktorate volg. Skole kan met hulle onderwysdistrikskantore in verbinding tree indien hulle hulp met die keuse van LOOM en onderhandeling vir die beste pryse benodig.

(a)

Die N&S-toekenning aan skole is bedoel, onder andere, vir die betaling van hulle maandelikse munisipalediensterekeninge, bv. elektrisiteit, water, riool en vullisverwydering, maar sluit die betaling van eiendomsbelasting uit. Soos in die verlede, sal die Staat die eiendomsbelasting op eiendom wat in die naam van die RSA geregistreer is, betaal.

(b)

Enkele skole het aangedui dat hulle nie hulle eie munisipale dienste wil bestuur nie en hulle rekeninge sal steeds deur die betrokke onderwysdistrikskantoor betaal word. Die onderwysdistrikskantoor sal afskrifte van die rekeninge maandeliks aan die skole voorsien ter insae en bevestiging dat die rekeninge korrek is.

(c)	Nie-artikel 21-skole moet die bedrag bereken aan die hand van uitgawes in vorige jare vir hierdie dienste, en die bedrag op die WKOD 032-vorm aandui. Hierdie bedrag, en die skole se instandhoudingsgelde, sal tegelykertyd aan daardie skole wat die funksie aanvaar het, oorbetaal word.

(d)	Skole moet steeds, onder andere, die besparingsmaatreëls wat in Bylae B aangedui word, toepas.

(e)	ESKOM en die meeste munisipaliteite het aangedui dat hulle meters vir voorafbetaalde elektrisiteit aan skole beskikbaar kan stel. Dit sal skole in staat stel om beter beheer oor hulle verbruik van en besteding aan elektrisiteit uit te oefen.

(a)

Dag-tot-dag instandhouding sluit in die instandhouding van die terrein asook die instandhouding, skoonmaak, opknap, herstel en/of vervanging van spesifieke gedeeltes van skoolgeboue. Sou dag-tot-dag herstelwerk nie vroegtydig aandag geniet nie, sal die toestand van die geboue tot so 'n mate versleg dat duur noodherstelwerk nodig word.

(b)	Skole moet begroot vir dag-tot-dag instandhouding na gelang van die toestand van hulle geboue en terreine. Die N&S-toekenning vir dag-tot-dag instandhouding kan ontoereikend wees. In sodanige gevalle behoort skole die toekenning uit die skoolfonds aan te vul.

(c)	Dag-tot-dag herstelwerk aan koshuise mag nie uit N&S-toekennings befonds word nie. Sodanige herstelwerk moet befonds word uit leerders se losiesgeld/-beurse.

(a)	Skole moet 'n bedrag eenkant hou van hulle jaarlikse toekenning vir dag-tot-dag instandhouding van toerusting wat gebruik word vir die verfraaiing van die skoolgronde, bv. versiening van grassnyers, verf van banke op die terrein, aankoop van kunsmis en kalk.

(b)	Huur moet nie verwar word met instandhouding nie. Skole is verantwoordelik vir die betaling van huurooreenkomste en die herstel en versiening van toerusting soos fotokopieerders, rekenaars, ens. Herstel van hierdie items vorm nie deel van dag-tot-dag herstelwerk aan skoolgeboue en skoolgronde nie.

Ingevolge artikel 36(1) van die Suid-Afrikaanse Skolewet (Wet Nr 84 van 1996) (SASW) soos gewysig, moet skoolbeheerliggame (SBL'e) alle redelike stappe doen om die staatshulpbronne aan te vul ten einde die gehalte van onderwys deur die skool aan alle leerders te verbeter. Geenskoolgeldskole mag nie verpligte skoolgeld hef nie. Hierdie skole word egter aangemoedig om vrywillige bydraes en fondse deur donasies, fondsinsamelingsfunksies, ensovoorts in te samel.

Ingevolge paragraaf 97 van die NNSSB vir groot noodherstelwerk aan geboue, aanvaar die WKOD verantwoordelikheid vir sodanige herstelwerk, maar die Departement word beperk tot die fondse wat vir hierdie doel beskikbaar is. Die volgende herstelwerk sal ooreenkomstig die prosedures in Omsendbrief 175/2000 oorweeg word:

KATEGORIE A Ernstige skade as gevolg van natuurrampe, strukturele probleme en brande Die WKOD sal slegs verantwoordelikheid vir sulke noodinstandhouding aanvaar as die koste meer as R5 000 beloop en op voorwaarde dat voldoende fondse beskikbaar is. Die WKOD sal, volgens eie diskresie, dit oorweeg om 'n oordragbetaling te maak vir materiaal in betreklik minder ernstige gevalle.

KATEGORIE B Die WKOD sal verantwoordelikheid aanvaar vir slegs die volgende kategorieë NOODHERSTELWERK indien die personeel en leerders se gesondheid of veiligheid bedreig word en voldoende fondse beskikbaar is: Vervanging/herstel van ondergrondse water- en rioolpype Herstel van ondergrondse elektriese kabels Herstel van elektriese warmwatereenhede (slegs koshuise) Herstel van groot koshuistoerusting Herstel van drinkwatertoevoerbron (Bystand kan die vorm aanneem van die voorsiening van fondse slegs vir die aankoop van materiaal.) Skole moet 3 kwotasies indien. Herstelwerk mag slegs 'n aanvang neem nadat goedkeuring daarvoor van Hoofkantoor verkry is.

Aansoeke om te verander van nie-artikel 21-status na artikel 21-status moet teen 20 Februarie 2009 op die aangehegte aansoekvorm ingedien word. Suksesvolle skole sal eers vanaf die aanvang van die daaropvolgende finansiële jaar artikel 21-status ontvang, d.w.s. vanaf 1 April 2009.

Sou die leerderinskrywing van 'n skool, gebasseer op die 10de dag opname van 2009 aan die begin van d

Die WKOD het talle geskrewe en telefoniese versoeke ontvang vir die hersiening van die Nasionale Kwintiel (NK) van skole, gegrond op werkloosheid van ouers, leerders uit 'n armer woonbuurt wat die skool bywoon, niebetaling van skoolgeld, ens. In die verband is die NNSSB duidelik dat skole (ontvangers van die toekenning) nie die bron van diesulke inligting kan wees nie en dat StatsSA of soortgelyke objektiewe data gebruik moet word.

Tot op datum kon geen aanpassings gemaak word op grond van die redes wat skole aangevoer het nie. Oorweging vir die verandering van die skole se armoedeklassifikasie kan plaasvind in gevalle waar die WKOD leerders plaas in skole buite hulle gemeenskap as gevolg van a) onvoldoende plekke of b) probleme met die gehalte van onderrig.

Onderwerp	Naam	Telefoonnr.
WKOD 043-kwartaalverslaeen geouditeerde finansiële jaarstate	Onderwysdistrikskantoor: Adjunkdirekteur: Administrasie	Toepaslike Onderwys-distrikskantoor
Indien van WKOD 032 (Indeling van die N&S-toekenning)	Me M Ntlabati	021 467 2140
Aankoop van LOOM (WKOD 034) en plaaslike aankope (WKOD 026). Alle nie-artikel 21-skole	Mnr M Josias Me Phillips	021 903 8453 021 900 7010
Oordragbetalings aan skole (N&S- toekennings)	Me L Shasha Mnr M Draai	021 467 2770 021 467 2005
Noodherstelwerk	Mnr B Bougaard Me V Balfour	021 467 2132 021 467 9262
Algemene navrae	Mnr L van Wyk Mnr J Kitshoff Mnr R Eyssen	021 467 2658 021 467 2665 021 467 2662