| 1. |
Inleiding
Hierdie omsendbrief dien as wysiging tot Omsendbrief 0053/2005 wat minimum toelatingsvereistes vir hoërsertifikaat-, diploma- en Baccalaureus-graadprogramme by hoëronderwysinrigtings voorsien.
Die Minister van Onderwys het 'n hersiene weergawe van die aanvanklike beleid in Staatskoerant 31231 van Julie 2008 gepromulgeer. Hierdie omsendbrief moet ook saamgelees word met Omsendbrief 0013/2008, wat die bevorderingsvereistes vir die Nasionale Senior Sertifikaat voorsien.
|
| 2. |
Hersiene minimum toelatingsvereistes vir hoër onderwys
|
| 2.1 |
Kandidate moet nou 'n minimum van 30% in die taal van leer en onderrig van die hoëronderwysinrigting van hulle keuse behaal, benewens die bepaalde vereistes van die onderskeie kwalifikasies wat deur die inrigting aangebied word.
|
| 2.2 |
Die minimum toelatingsvereiste vir 'n Hoër Sertifikaat is 'n Nasionale Senior Sertifikaat (NSS) soos gesertifiseer deur Umalusi, met 'n minimum van 30% in die taal van onderrig en leer by die gekose hoëronderwysinrigting.
|
| 2.3 |
Die minimum toelatingsvereiste vir 'n Diploma is 'n NSS soos gesertifiseer deur Umalusi, met 'n minimum van 30% in die taal van onderrig en leer by die gekose hoëronderwysinrigting, sowel as 'n prestasiegradering van 3 (Matige prestasie 40-49%) of beter in vier erkende NSS 20-kredietvakke.
|
| 2.4 |
Die minimum toelatingsvereiste vir 'n Baccalaureus-graad is 'n NSS soos gesertifiseer deur Umalusi, met 'n minimum van 30% in die taal van onderrig en leer by die gekose hoëronderwysinrigting, sowel as 'n prestasiegradering van 4 (Voldoende prestasie, 50-59%) of beter in vier vakke uit die volgende lys erkende NSS 20-kredietvakke (wat bekend sal staan as die "aangewesevaklys"):
- Rekeningkunde
- Landbouwetenskap
- Besigheidstudies
- Dramatiese Kunste
- Ekonomie
- Ingenieursgrafika en -ontwerp
- Geografie
- Geskiedenis
- Verbruikerstudies
- Inligtingstegnologie
- Tale (een taal van leer en onderrig by 'n hoëronderwysinrigting en twee ander erkende taalvakke)
- Lewenswetenskappe
- Wiskunde
- Wiskundige Geletterdheid
- Musiek
- Fisiese Wetenskappe
- Religiestudies
- Visuele Kunste
|
| 3. |
Hierdie hersiene minimum toelatingsvereistes sal van krag wees vanaf 1 Januarie 2009. Leerders wat in 2009 toelating tot hoëronderwysinrigtings wil hê, moet dus aan hierdie vereistes voldoen.
|
| 4. |
Prinsipale word vriendelik versoek om die inhoud van hierdie minuut onder die aandag van personeel, ouers en leerders te bring.
|
GETEKEN: SM NAICKER
HOOF: ONDERWYS
DATUM: 2008:09:19
|