Die posstruktuur en beskrywings vervat in Kollektiewe Ooreenkoms 4/2003 van die Raad op Arbeidsverhoudinge in die Onderwys (RAVO) is van toepassing op diensstate. U aandag word duidelikheidshalwe gevestig op die feit dat die resolusies in die Beroepspesifieke Dispensasie vir Opvoeders (BSD) (Kollektiewe Ooreenkoms 1 van 2008 van die RAVO) nie die diensstate van openbare skole vir 2009 beïnvloed het nie.

Skole word gegradeer ooreenkomstig die Skoolgraderingsnorme soos vervat in Kollektiewe Ooreenkoms 3/2006 van die RAVO. Sien asseblief ook paragraaf 2.1 hierbo.

Die WKOD kondig graag aan dat, met die toename in die oorhoofse aantal bekostigbare poste, dit nou moontlik is om die ad hoc-poste vir 2009 te behou. Dit sal aan skole toegeken word soos hieronder uiteengesit:

(a)	Waar die model minder as 6 opvoederposte aan 'n klein sekondêre skool toegeken het, het ons die opvoederposte tot 6 aangevul. Indien die skool byvoorbeeld vir 4 onderwysers in aanmerking gekom het, het ons 2 ekstra poste aan die skool toegeken.

(b)

Waar die model minder as 6 opvoederposte aan 'n sekondêre fase van 'n gekombineerde skool toegeken het, het die WKOD die opvoederposte tot 6 in die sekondêre fase aangevul. So bv. , indien die skool vir 4 onderwysers in die sekondêre fase gekwalifiseer het, is daar 2 ekstra poste aan die skool toegeken.

(c)	Sewe-en-twintig (27) poste is aan sommige eenpersoonskole toegeken.

(d)	Die res van die ad hoc-poste is aan skole toegeken met 'n leerder:opvoeder-verhouding van meer as 33:1 in sekondêre skole en meer as 37:1 in primêre skole tot die goedgekeurde aantal ad hoc-poste uitgeput is.

L.W. Nege-en-dertig (39) ad hoc-poste is toegeken as rondreisende poste by meer as nege-en-dertig skole in die provinsie.

Dertien (13) poste vir die vak Inligtingstegnologie (IT) is aan 13 skole dwarsoor die provinsie toegeken sodat hulle as rekenaarsentra kan dien. Hierdie rekenaarsentra moet nie net hierdie pos gedurende skooltyd gebruik om hulle eie leerders te onderrig nie, maar moet ook smiddae klasse vir leerders van naburige skole aanbied wat die vak neem, maar nie onderwysers by die skole het wat IT kan aanbied nie. Die name van hierdie rekenaarsentra is op versoek beskikbaar van die Direktoraat: Kurrikulum VOO.

(a)

LET WEL: Die diensstaat van 'n skool is die som van die kurrikulumposte van die skool plus die armoederegstellingsposte van die skool, wat wissel na gelang van die aantal leerders in die skool en provinsie aan wie gewig toegeken is. Die totale aantal leerders in 'n skool aan wie gewig toegeken is, is die som van al die leerders in alle grade in die skool aan wie gewig toegeken is, plus die gewig van die taal van onderrig, plus die grondlyngewig. Die aantal leerders met gewig in 'n provinsie is egter die som van alle leerders in al die skole in die provinsie aan wie gewig toegeken is.

(b)

Prosedure wat gevolg is: Die HPVM is toegepas deur elke skool se totale aantal graad 9-leerders vir 2008 te gebruik. Hierdie graad 9-leerdertotaal is gebruik om die skole se totale leerders met gewig vir 2009, sowel as die totale aantal leerders met gewig in die provinsie vir 2009 te bereken. Hierdie totale is eerstens gebruik om die totale aantal kurrikulumposte vir 2009 te bereken. Nadat hierdie eerste totaal vir kurrikulumposte vir 2009 bereken is, is dit met die totale aantal kurrikulumposte vir 2008 vergelyk. (i) Indien die eerste totaal vir kurrikulumposte vir 2009 gelyk of meer was as die totale aantal kurrikulumposte vir 2008, is die skool se armoederegstellingsposte bygetel en die som afgerond om die skool se diensstaat vir 2009 te bepaal, nadat 'n hersiene groottotaal van leerders met gewig vir elke skool en die provinsie bereken is. (ii) Indien die eerste totaal vir kurrikulumposte vir 2009 minder was as die totale aantal kurrikulumposte vir 2008 en dit beslis die gevolg was van 'n laer leerdergetal in graad 9 in 2008 vergeleke met 'n graad 9-leerdertotaal in 2007, is die groter graad 9-leerdertotaal van 2007 gebruik om die hersiene graad 9-leerdertotaal vir leerders met gewig vir 2009 vir daardie skool bereken. Dit is ook gebruik om 'n hersiene groottotaal vir leerders met gewig vir alle skole vir 2009 te bereken. Ons verwys na hierdie kurrikulumpostotaal as die tweede kurrikulumpostotaal vir 2009. Die skool se armoederegstellingspostotaal word nou by die tweede kurrikulumpostotaal vir 2009 gevoeg en hierdie som word afgerond om die skool se diensstaat vir 2009 te bereken, waar die hersiene leerdertotale met gewig in berekening gebring is.

Die Leerondersteuningsposte by gewone openbare skole is geskakel met die dienstate van onderwysdistrikte en verskyn dus nie op die diensstate van skole nie, buiten waar die poste toegeken is aan gewone openbare skole met goedgekeurde eenheidklasse.

Elf addisionele terapeuteposte is vir die 2009 akademiese jaar toegeken. Dit bring die totale aantal poste wat aan spesiale skole toegeken word, op 132 te staan.

Die sielkundeposte by openbare spesiale skole, waar van toepassing, is deel van die bevorderingsposte.

Die WKOD behou die reg voor om Posvlak 1-poste af te skaf indien daar gedurende die loop van 2009 'n verlaging is in die skool se leerderinskrywing. In sulke gevalle sal opvoeders wat tydelik aangestel is, na ander poste by ander inrigtings oorgeplaas word. Wanneer opvoeders dus tydelik gewerf word, moet hoofde van inrigting aansoekers inlig dat hulle aangestel word met dien verstande dat hulle dalk oorgeplaas kan word na ander inrigtings indien hulle poste afgeskaf sou word as gevolg van 'n verlaging in leerderinskrywing.

• Aansoeke vir addisionele poste sal slegs oorweeg word tot aan die einde van die eerste skoolkwartaal in April 2009.
• Die nominasie van 'n opvoeder vir 'n addisionele pos by 'n skool (waarvoor aansoek gedoen word as gevolg van groei en/of kurrikulumbehoeftes van die skool), kan nie plaasvind tensy skriftelike goedkeuring verkry is vir die skep van daardie addisionele pos nie. Sodanige goedkeuring moet op skrif verkry word van die Hoof: Onderwys, of sy gedelegeerde.

Waar daar 'n toename in die aantal opvoedersposte is wat aan die openbare gewone skole toegeken is, mag nuwe poste op die volgende wyses gevul word:

(a)	Passing en plasing van botallige personeel (Let daarop dat die passing en plasing van botallige opvoeders 'n voortdurende proses is, wat voorkeur sal geniet bo die advertering van poste.)

(b)	Deur advertensies in die Vakaturelys met die oog op die permanente vul van sulke poste (Dit beteken dat Posvlak 1- en bevorderingsposte so gou moontlik geadverteer moet word.)

(c)	Op 'n permanente of tydelike grondslag, of in waarnemende hoedanigheid ingevolge bestaande beleidsmaatreëls

Rig asseblief alle navrae aangaande hierdie omsendbrief aan kringspanbestuurders.

Bring asseblief die inhoud van hierdie omsendbrief onder die aandag van alle opvoeders en lede van die beheerliggaam.