| 1. |
Dit het nodig geword om die volgende riglyne vir die gebruik van bogemelde kaarte uit te reik:
|
| 1.1 |
Alle datakaartkontrakte bly in die naam van die WKOD, wat onderneem om die maandelikse intekengeld te betaal vir 'n pakket wat die aflaai van 500MB se data toelaat. Elke amptenaar sal egter verantwoordelik wees vir onkoste wat die perk oorskry.
|
| 1.2 |
Met die nuwe datakaartbundel kan die bestaande mobiele datakaartkontrakte opgegradeer word wanneer hulle verval. Die WKOD gaan 'n 24-maandekontrak met die diensverskaffer aan. Ongebruikte gedeeltes van databundels verval aan die einde van elke maand en kan nie na die volgende maand oorgedra word nie. Wanneer die gekontrakteerde bundel van 500MB ten volle benut is, sal die toepaslike buitebundeltarief van toepassing wees.
|
| 1.3 |
'n Gegewe perk word op individuele datakaartkontrakte geplaas. 'n 500MB-databundel word met onmiddellike effek vir nuwe aansoeke ingestel en by die verval van bestaande kontrakte sal 'n perk op die maandelikse gebruik van die kaart geplaas word. Amptenare wat die datakaartdiens benodig, moet hulle eie diensverskaffer (MTN of Vodacom) kies. In gevalle waar die perk onvoldoende is om aan die amptenaar se werksvereistes te voldoen, kan die betrokke adjunk-direkteur-generaal by ontvangs van 'n gestaafde aansoek 'n verhoging van die amptenaar se perk goedkeur. Die diensverskaffer moet, in ooreenstemming met die goedgekeurde pakket, 'n beperking op die datakaart plaas sodat die perk nie oorskry kan word nie.
|
| 2. |
Let asseblief daarop dat alle datakaartgebruikers hulle datakaartgebruik noukeurig moet monitor.
|
| 2.1 |
Die beste is om al die "Volume Counters" aan die begin van die rekeningtydperk terug te stel (reset) en dan die "Total Volume Statistic" dop te hou - dit moet nie 512 000kB (d.w.s. 500MB) vir gestuurde en ontvangde data in enige rekeningmaand oorskry nie. Let daarop dat MTN se rekeningtydperk van die 21ste van een maand tot die 20ste van die volgende maand strek.
|
| 2.2 |
Die "Volume Counters" word soos volg teruggestel: Laai die datakaartprogram (F@stLink). Maak 'n aantekening van die totale "Sent" en "Received" data onder die "Total Volume Statistic" voordat die tellers teruggestel word. Gebruik hierdie syfers om te vergelyk wat gebruik is en wat op die faktuur staan - doen navraag oor enige beduidende diskrepanse. Die tellers kan teruggestel word deur op die -knoppie te druk (net bo die -knoppie) en die "Volume Counters" sal teruggestel word tot by nul. Die venster kan dan toegemaak word.
|
| 3. |
Let ook daarop dat ingevolge oorspronklike DITCOM-toepassings, die datakaarte uitgereik is aan bepaalde amptenare sodat hulle toegang kon hê tot e-posboodskappe wanneer hulle nie in hulle kantore is nie - dit is dus in wese 'n uitbreiding van die GroupWise-fasiliteit - en, in bepaalde gevalle, ook toegang kon hê tot eindpunt-databasisse (soos EduInfoSearch). Beperkte toegang tot die Internet word vir navorsingsdoeleindes binne die 500MB-bundel gemaak. Onthou asseblief dat ongemoniteerde gebruik van die kaart deur ander persone as die bepaalde amptenare, en die aflaai van musiek, musiekvideo's en ander videomateriaal (bv. YouTube video's en flieks) nie aanvaarbaar is nie, aangesien hierdie items dikwels die rede is vir hoë gebruik en gepaardgaande koste.
|
| 4. |
Bring asseblief die inhoud van hierdie omsendbrief onder die aandag van alle betrokkenes.
|
GETEKEN: LJ ELY
HOOF: ONDERWYS
DATUM: 2008:08:28
|