| 1. |
Hierdie omsendbrief moet saamgelees word met Omsendbrief 0036/2001 van 23 Maart 2001.
|
| 2. |
Voorheen was dit 'n vereiste om logblaaie van Staatsvoertuie in te dien by Staatsmotorvervoer (SMV) in Kaapstad. Dit is nie meer 'n vereiste nie, aangesien die kilometers wat afgelê is, verkry word deur middel van die motornaspoorstelsel. Die logblaaie is egter 'n belangrike instrument vir die beheer en verifikasie van kilometers wat afgelê is vir vergelyking met dié wat deur die naspoorstelsel geregistreer is. Dit is ook 'n belangrike instrument om toekomstige gebruik te beplan ten opsigte van begrotingsbeperkings.
|
| 3. |
Dit sal dus op prys gestel word indien die oorspronklike logblad (boonste kopie) deur distrikskantore bewaar word en die tweede kopie (geel kopie) by Hoofkantoor ingedien word. (Vir aandag: mnr JG Heath, Kamer 609) onder dekking van die aangehegte vorm. Die ander kopieë kan in die logboek gelaat word. Dit is steeds absoluut noodsaaklik dat al die velde op die logblad voltooi moet word. Brandstofinnamestrokies (e-brandstofstrokies) moet in die logboek gehou word en aan die logblad vir die betrokke maand vasgekram word.
|
| 4. |
Distrikskantore word aangeraai om 'n databasis by te hou van kilometers afgelê deur elke voertuig in die distrik sodat die SMV-rekening teen die databasis geverifieer kan word. Hierdie rekeninge sal maandeliks ingedien word by distrikskantore om as korrek gesertifiseer te word. Hoofkantoor sal dieselfde doen ten opsigte van sy toegewysde voertuie.
|
| 5. |
Dankie vir u ondersteuning.
|
GETEKEN: LJ ELY
HOOF: ONDERWYS
DATUM: 2008:08:28
|