| 2. |
Die lys van die boeke vir literatuurstudie vir graad 10-leerders van 2009 bly onveranderd van die lys wat voorgeskryf is vir graad 10-leerders van 2008. Omsendbrief 0035/2007 van 3 Augustus 2007 het betrekking hieroor.
|
| 3. |
Onderwysers van graad 11-leerders in 2009 mag letterkundestudieboeke kies uit die WKOD-boekelys vir graad 11-leerders, of hulle kan enige gepaste titels uit die lyste kies wat die skole in 2008 via Omsendbrief 0035/2007 van 03 Augustus 2007 ontvang het.
|
| 4. |
Die lyste voorgeskrewe boeke vir amptelike tale vir die graad 12-leerders van 2009 is in Kurrikulum VOO-minuut DCF 0017/2008 van 28 Mei 2008 gepubliseer. Die lyste vir voorgeskrewe kortverhale en gedigte wat deur die graad 12-leerders bestudeer moet word, is egter nog nie gegee nie omdat dit nog nie deur die nasionale Departement van Onderwys beskikbaar gestel is nie. Die WKOD sal hierdie lyste aan skole stuur sodra ons dit ontvang.
|
| 5. |
Die Departement wil graag sy waardering uitspreek teenoor almal wat bygedra het om die lys saam te stel. Spesiale dank is verskuldig aan die Voorgeskreweboekekomitees.
|
GETEKEN: BK SCHREUDER
HOOF: ONDERWYS
DATUM: 2008:08:14
|