1. Die Nasionale Beleid oor die Afneem, Administrasie en Bestuur van die Nasionale Senior Sertifikaat: 'n Kwalifikasie op vlak 4 van die Nasionale Kwalifikasieraamwerk, wat verskyn het in die Staatskoerant van 6 Julie 2007, dui aan dat 'n nasionale eksamenonreëlmatighedekomitee (NEOK) en provinsiale eksamenonreëlmatighedekomitee (PEOK) gestig moet word. Die PEOK moet verantwoordelikheid neem vir die assessering van onreëlmatighede op provinsiale vlak.
2. By die Hoofde van Onderwysdepartementekomitee (HODKOM) se vergadering wat op 12 Mei 2008 gehou is, het HODKOM die Interprovinsiale Eksamenkomitee (IPEOK) se voorstel bekragtig dat elke onderwysdistrik 'n distriksassesseringsonreëlmatighede-komitee (DAOK) moet stig.
3. Die DAOK sal 'n aanhangsel wees tot die PEOK en sal onder jurisdiksie van die PEOK fungeer en sal gereeld aan die PEOK verslag lewer. Die PEOK sal die verslae van alle DAOK's konsolideer en 'n provinsiale verslag lewer aan die Nasionale Eksamenonreëlmatighedekomitee (NEOK).
4. Die DAOK sal alle assesseringsonreëlmatighede op AOO- sowel as VOO-vlak hanteer, en sal 'n belangrike rol speel in die hantering van onreëlmatighede met betrekking tot die GTA's en graad 12-assesserings.
5. Addendum A, wat by hierdie omsendbrief aangeheg is, is 'n riglyn oor hoe 'n DAOK gestig moet word en wat die samestelling en jurisdiksie van sodanige komitee sal wees.
6. Die lede van die DAOK sal deur die Hoof van die Departement aangestel word, gebaseer op die aanbevelings van die onderwysdistriksdirekteur en die Hoof van Eksamens en Assesserings in die provinsie.
7. Distriksdirekteure word versoek om die name van die aanbevole lede van elke DAOK aan die Direkteur: Assesseringsbestuur teen 29 Augustus 2008 voor te lê.
8. Daar word verwag dat onderwysdistrikte hulle DAOK's teen 30 September 2008 ingestel en volledig in werking sal hê.
9. Toepaslike inligting oor die funksionering van die DAOK moet aan alle skole in die onderwysdistrik gestuur word.
10. Die Direktoraat: Assesseringsbestuur sal die stigting van DAOK vanaf 30 September 2008 monitor.
11. U samewerking in hierdie verband sal waardeer word.


GETEKEN: BK SCHREUDER
HOOF: ONDERWYS
DATUM: 2008:08:13

Addendum A  (grootte: 63 KB)