| 2. |
Die Wes-Kaap Onderwysdepartement (WKOD) sal weer die graad 9 Excel-program gebruik om al die graad 9-resultate vir die nasionale databank vas te lê. Die WKOD se Excel-program vir graad 9 vervang die gerekenariseerde blaaie ("lotto-blaaie") van die verlede. Dit is verpligtend vir alle skole om die graad 9-data vir 2008 in hierdie Excel-formaat voor te lê.
|
| 3. |
Deur gebruik te maak van die waardevolle terugvoer van die WKOD-onderwysers is die Excel-program van 2008 sowel as die datavasleggingsproses verbeter.
|
| 4. |
Rolle en verantwoordelikhede in die prosesse
|
| 4.1.1 |
Onderwysers moet seker maak dat al die vereistes vir voorgeskrewe graad 9-assesseringstake nagekom is.
|
| 4.1.2 |
Bewyse van intervensie en ondersteuning moet beskikbaar wees vir die bevorderings-besluitnemingsessies.
|
| 4.1.3 |
'n Verteenwoordigende voorbeeld (3%) van leerders se werk moet gemodereer word vir die DASS- sowel as die GTA-komponente van die graad 9-resultate (Staatskoerant 29626)
|
| 4.1.4 |
Waar van toepassing, moet onderwysers leerders se registrasiebesonderhede bywerk voor die resultate vasgelê word en voortgaan om leerders se registrasiebesonderhede by te werk tot die finale uitslag aan die WKOD voorgelê is.
|
| 4.2.1 |
Uitslae moet behoorlik gemodereer word en vir korrektheid gekontroleer en geverifieer word.
|
| 4.2.2 |
Assesseringsbesware van leerders moet individueel deur die skoolbestuurspan bespreek word en beslis word.
|
| 4.2.3 |
As die skedule geteken is, moet twee kopieë van die getekende skedule gemaak word. Dit word aanbeveel dat skole drukstukke in A3-formaat hiervan maak. Een kopie, saam met 'n elektroniese kopie op 'n CD of geheueskyfie, moet aan die kringspanbestuurder / IBB-adviseur voorgelê word. Prinsipale moet verseker dat die CD's duidelik gemerk is met al die kontakbesonderhede van die skool.
|
| 4.2.4 |
'n Gedrukte kopie van die goedgekeurde en getekende skedule, sowel as die finale elektroniese kopie, moet veilig bewaar word by die skool as 'n permanente rekord.
|
| 4.2.5 |
Terugvoer oor die graad 9-uitslagvasleggingsprogram en -proses sal hoog waardeer word aangesien dit sal verseker dat die WKOD die stelsel algaande kan verbeter. In hierdie opsig word prinsipale en onderwysers vriendelik versoek om die aangehegte terugvoervorm (Bylae B) te voltooi en dit voor 1 Desember 2008 te e-pos of te faks na me Helene van Zyl .
|
| 4.3 |
Distriksassesseringskoördineerders
|
| 4.3.1 |
Distriksassesseringskoördineerders sal opleidingsessies aanbied vir al die betrokke belanghebbendes oor die Excel-program en oor die hantering van die graad 9-uitslagvasleggingsprogram.
|
| 4.3.2 |
'n Opleidingshandleiding, met stap-vir-stap-instruksies, sal uitgedeel word aan beamptes en onderwysers by hierdie opleidingsessies.
|
| 4.3.3 |
Alle navrae aangaande die Excel-program en die administratiewe proses moet gerig word aan die distriksassesseringskoördineerder. Kontakbesonderhede van distriksasses-seringskoördineerders en eksamenbeamptes verskyn in Bylae A van hierdie omsendbrief.
|
| 4.3.4 |
Distriksassesseringskoördineerders sal verseker dat alle uitslae teen die keerdatum aan die Direktoraat: Eksamenadministrasie voorgelê word.
|
| 4.4.1 |
Dit word aanbeveel dat kringspanne gereeld besoek aflê by skole om die assessering en vasleggingsproses vir graad 9 te monitor.
|
| 4.4.2 |
Die jaareindskedule moet gekontroleer en geverifieer word deur die kringspanbestuurder / IBB-adviseur of kringspanlid. Die kringspanbestuurder / IBB-adviseur of aangewese beampte sal die drukstukke van die skedules onderteken.
|
| 4.4.3 |
Alle data moet geteken word en aan kringspanbestuurders / IBB-adviseurs voorgelê word tussen 30 November 2008 en 4 Desember 2008.
|
| 4.5 |
Provinsiale bestuurders
|
| 4.5.1 |
Provinsiale bestuurders sal al die WKOD graad 9-uitslae elektronies op 'n meesterprogram vaslê - wat presies dieselfde formaat as die skoleprogram het - en dit voorlê aan die nasionale Departement van Onderwys Dit sal dus nie moontlik wees vir skole om data voor te lê in enige ander formaat as op 'n geheuestokkie of 'n CD nie.
|
| 4.5.2 |
Provinsiale opsommingsverslae sal verskaf word aan al die distrikte aan die begin van 2009.
|
| 5. |
Inhoud van die Excel uitslagvasleggingsprogram vir graad 9
- Stap-vir-stap-instruksies oor hoe om die Excel-sigblaaie te voltooi
- Rekordblaaie vir alle formele assesseringstake vir elke leerarea vir die jaar. (die rekordblaaie sluit in die GTA's [Afdeling A en B] wat, soos bepaal in Staatskoerant 29626, die formele assesseringstaak vir Kwartaal 4 sal wees.)
- Formules vir die berekening van die uitslae van elke leerder ooreenkomstig die vereistes van die nasionale assesseringsbeleid (Die Excel-program sal elke leerder se uitslae bereken en onderwysers moet nie die geprogrammeerde blaaie wysig nie.)
- 'n Graad 9-skedule vir elke kwartaal, sowel as 'n jaareindskedule (Inligting van die rekordblaaie sal outomaties na die skedule oorgedra word.)
|
| 6. |
Graad 9-rapporte
Die program is op so 'n wyse geskryf dat die inligting van die skedule outomaties oorgedra kan word na 'n rapport vir elke leerder wat op SOBIS geregistreer is. Skole kan óf hierdie rapportkaart gebruik, óf voortgaan om hulle eie skoolrapportvorms te gebruik, so lank as wat die minimum inligting, soos bepaal in die Staatskoerant 29626, ingesluit is.
|
| 7. |
Rekord van Graad 9-uitslae
|
| 7.1 |
Registrasie van leerders op SOBIS
Leerderregistrasie kan nie in die Excel-program verander word nie. Die program is op so 'n manier ontwikkel dat leerderregistrasie op SOBIS bygewerk moet word voor die program afgelaai word.
|
| 7.2 |
Bestuur van die proses by die skool
|
| 7.2.1 |
Die "invoer"-funksie sal onderwysers toelaat om die program te kopieer en individueel te voltooi (per leerarea of per onderwyser). Die program sal uitslae outomaties van die verskillende leerareas na 'n meesterlêer invoer.
|
| 7.2.2 |
Indien onderwysers graag nuwe leerders wil byvoeg of deregistreer, moet dit op SOBIS gedoen word. Die invoer-funksie van die Excel-program laat onderwysers toe om punte sowel as nuwe leerders in 'n nuwe (skoon) Excel-lêer in te voer. Dit sal 'n tydjie neem en onderwysers word aangeraai om leerders se registrasiebesonderhede versigtig te kontroleer voor hulle met die uitslaevasleggingsproses begin.
|
| 7.3 |
Aflaai van die program van die SOBIS-webtuiste
'n Gebruikersvriendelike handleiding wat verduidelik hoe om die Excel-program van die SOBIS-webtuiste af te laai, sal verskaf word aan almal wat opleiding ondergaan tydens die distriksopleidingsessies.
|
| 7.4 |
Voltooiing en druk van skedules
|
| 7.4.1 |
As alle uitslae korrek vasgelê is, sal die groen knoppie ('n veiligheidsmaatreël wat by die program ingebou is) verskyn. 'n Jaareindskedule kan dan uitgedruk word.
|
| 7.4.2 |
Hierdie skedule moet voorgelê word aan die kringspan en/of IBB-adviseur vir goedkeuring en ondertekening. Indien enige veranderinge gemaak moet word, moet dit elektronies gedoen word en herdruk word voor die finale skedule goedgekeur, onderteken en voorgelê kan word.
|
| 7.5 |
Bevorderingsbesluite
Leerderuitslae sal outomaties deur die program bereken word, maar al hierdie resultate moet nog steeds gekontroleer en geverifieer word deur skoolhoofde en distriksbeamptes.
|
| 8. |
Voltooiing van die rekordblaaie
|
| 8.1 |
Indien 'n leerder afwesig was vir wettige redes (met oortuigende ondersteunende getuienis) tydens enige van die assesseringsgeleenthede, moet al die beskikbare resultate wat deur voortgesette assessering en die GTA's (Afdeling A en Afdeling B) verkry is, in ag geneem word vir bevorderingsdoeleindes. Sodanige reëlings moet aangeteken word in die Opmerkings-kolom van die bevorderingskedule. Dit moet gedoen word alleenlik in uitsonderlike gevalle.
|
| 8.2 |
'n Leerder wat sonder geldige redes afwesig was (sonder ondersteunende bewyse van sy of haar afwesigheid) sal afwesig (A) gemerk word en die program sal nie 'n punt vir die taak of take toeken nie. Die leerder sal 'n nulpunt vir daardie spesifieke taak ontvang. Weer eens moet dit gedoen word alleenlik in uitsonderlike gevalle.
|
| 9. |
Ondersteuning en inligting
|
| 9.1 |
Enige vrae oor die aflaai en gebruik van die program kan gerig word aan u distrikassesseringskoördineerder (Sien Bylae A vir kontakbesonderhede.)
|
GETEKEN: BK SCHREUDER
HOOF: ONDERWYS
DATUM: 2008:08:13
|