1. Die bevorderingsvereistes vir alle leerders by openbare en onafhanklike skole wat die Nasionale Kurrikulumverklaring volg en graad 9 aanbied, is duidelik uiteengesit in Staatskoerant 29626 van 12 Februarie 2007. Die uitslae van deurlopende assessering, sowel as Afdelings A en B van die algemene take vir assessering (GTA's) bepaal bevordering na graad 10.
2. Die GTA's sal weer eens in die 4de kwartaal van die graad 9's se akademiese jaar afgeneem word en is die enigste formele assesseringstake wat vir daardie kwartaal opgeteken word.
3. Let asseblief daarop dat die GTA's (Afdelings A en B) streng vertroulik hanteer moet word en dat hulle nie aan enige ongemagtigde persoon of enige leerder voor die amptelike afneem van die assesserings beskikbaar gestel mag word nie.
4. Afdeling A van elke GTA moet in die vierde kwartaal in die skole afgeneem word en moet deel uitmaak van die normale akademiese program. Die skool moet steeds op die normale manier funksioneer gedurende die afneem van Afdeling A.
5. Afdeling B van elke GTA sal bestaan uit individuele take en moet onder beheerde eksamentoestande afgeneem word.
6. Afdeling B van elke GTA moet van 17 November tot 28 November 2008 afgeneem word, in ooreenstemming met die aangehegte nasionale rooster (Bylae A).
7. Prinsipale word daaraan herinner dat die aangehegte nasionale rooster vir die afneem van Afdeling B van die GTA's streng gevolg moet word. Versuim om by hierdie rooster te hou, sal beskou word as 'n eksamenonreëlmatigheid en sal dienooreenkomstig hanteer word.
8. Huistaal
8.1 Die huistale sal op 17 November 2008 geskryf word. Die eerste sessie sal wees van 09:00 tot 11:00 en die tweede sessie van 12:00 tot 14:00.
8.2 Ten einde leerders te akkommodeer wat twee amptelike tale op huistaalvlak aanbied, sal die volgende maatreëls geld:
8.2.1 Die een huistaal sal op 17 November vanaf 09:00-11:00 geskryf word en die ander huistaal sal op dieselfde dag, vanaf 12:00 tot 14:00 geskryf word.
8.2.2 Ten einde die geldigheid van hierdie geskrewe taak te verseker, sal alle leerders wat twee amptelike tale op huistaalvlak aanbied, ná die eerste sessie onder beheerde toestande by die skool bly.
8.2.3 Prinsipale en eksamenbestuurders moet seker maak dat leerders wat 'n huistaalvraestel in die middag skryf, geen kontak het met leerders wat die huistaalvraestel in die oggend geskryf het nie.
8.2.4 Aangesien hierdie sessie onder formele eksamenomstandighede afgeneem word, sal geen leerder toegelaat word om 'n selfoon by hom of haar te hê nie. Maatreëls moet ingestel word om seker te maak dat dit behoorlik bestuur word.
8.2.5 Memorandums vir Afdeling B van die GTA's vir huistale sal ná die tweede sessie op die middag van 17 November 2008 beskikbaar gestel word.
9. Eerste Addisionale Tale
9.1 Die eerste addisionele tale sal op dieselfde dag, 18 November 2008, van 09:00 tot 11:00 geskryf word.
9.2 Indien enige leerders twee tale op die vlak van eerste addisionele taal aanbied, sal hulle op die terrein onder beheerde toestande moet bly en die ander eerste addisionele taal van 12:00 tot 14:00 op 18 November moet aflê. Dieselfde prosedures wat vir die skryf van die huistale op 17 November geld, moet gevolg word.
10. Tweede Addisionele Tale

Alle leerders wat tale op die vlak van tweede addisionele taal aanbied, sal van 09:00 tot 11:00 op 28 November 2008 skryf.
11. Prinsipale moet seker maak dat elke onderwyser, leerder en ouer 'n afskrif van die aangehegte rooster (Bylae A) het. Die rooster is ook beskikbaar op die AOO-assessering-webblad by http://curriculum.pgwc.gov.za/site/21/page/view


GETEKEN: BK SCHREUDER
HOOF: ONDERWYS
DATUM: 2008:06:26

Bylae A  (grootte: 15 KB)
Staatskoerant 29626 van 12 Februarie 2007:  "National Policy on Assessment and Qualifications for schools in the General Education and Training Band (GET)"  (grootte: 947 KB)