| 1. |
Inleiding
Die Nasionale Senior Sertfikaat-eksamen (NSS-eksamen) sal hierdie jaar vir die eerste keer afgelê word. Dit is baie belangrik dat skoolhoofde die regte atmosfeer sal skep vir die aflê van die eksamen deur seker te maak dat leerders sal verstaan watter soort gedrag van hulle verwag word.
|
| 2. |
Laaste dag van skool vir Graad 12-leerders
|
| 2.1 |
In Omsendbrief 0010/2008 is die eksamenrooster vir die eindeksamen wat op 29 Oktober begin, aangedui. Die laaste amptelike skooldag vir alle Graad 12-leerders is 24 Oktober 2008. Skole word versoek om hierdie tyd effektief te gebruik om alle leerders deeglik vir die eksamen voor te berei.
|
| 2.2 |
Skoolhoofde word versoek om alle Graad 12-leerders in te lig dat hulle tot die laaste dag van die skoolkwartaal (5 Desember 2008) beskikbaar moet wees, indien dit dalk gebeur dat die skryf van 'n spesifieke eksamen herskeduleer moet word.
|
| 3. |
Kleredragkode gedurende die skryf van die eksamen
|
| 3.1 |
Skooldrag is belangrik om skoolkultuur, trots en dissipline te handhaaf.
|
| 3.2 |
Die meeste skole in die Wes-Kaap het in die verlede seker gemaak dat hulle kandidate skooldrag dra wanneer hulle die Senior Sertifikaat-eksamen aflê. Dit het bygedra tot goeie dissipline gedurende die eksamen. Skooldrag help verder ook om die leerders van die opsieners te onderskei.
|
| 3.3 |
Die Nasionale Senior Sertifikaat-eksamen is nog deel van die amptelike skooljaar vir graad 12-leerders.
|
| 3.4 |
Skoolhoofde word derhalwe versoek om hul graad 12-leerders in te lig dat skooldrag verpligtend is wanneer hulle die NSS-eksamen aflê.
|
| 3.5 |
Die WKOD moedig onafhanklike skole aan om ook aan hierdie versoek gehoor te gee.
|
| 4. |
Skoolhoofde word versoek om die inhoud van hierdie omsendbrief onder die aandag van alle leerkragte, opsieners, ouers en graad 12-leerders te bring. |
GETEKEN: B.K. SCHREUDER
HOOF: ONDERWYS
DATUM: 2008:06:26
|