| 1. |
Met die toename in die gebruik van GG-voertuie deur amptenare, het dit nodig geword om gebruikers te herinner aan hulle verantwoordelikhede ingevolge Omsendbrief 4 van 2000, by die gebruik van GG-voertuie.
|
| 2. |
Bespreking van 'n GG-voertuig vir amptelike reise
'n GG-voertuig moet bespreek word ten minste 24 uur voordat 'n reis onderneem word, deur die Nasionale Reismagtigingsvorm in te vul en die reis goedgekeur te kry.
|
| 3.1 |
|
Ons beoog om die toestand van GG-voertuie te verbeter. Ten einde te verseker dat elke voertuig in 'n goeie toestand is, is dit noodsaaklik dat die bestuurder die voertuig ondersoek voordat dit gebruik word. Indien daar skade of meganiese gebreke aan die voertuig is, moet die bestuurder dit onmiddellik rapporteer. Indien enige skade, verlies of diefstal nie gerapporteer word nie, sal die laaste bestuurder wat die voertuig bestuur het daarvoor verantwoordelik gehou word.
|
| 3.2 |
|
Dit is belangrik dat die gebruiker, wanneer die voertuig by die SMV se "boonste terrein" afgehaal word, die aandag van die uitreikende beampte en die sekuriteitebeampte op enige defekte aan die voertuig vestig deur die agterkant van die Reismagtigingsvorm (Z606)in te vul.
|
| 3.3 |
|
Gaan die voertuig noukeurig na en let veral op die volgende:
- Duike, skrape, gekraakte ruite, afgeloopte bande en olie- en waterplasse onder die voertuig
- Ligte en remme (insluitend die handrem) wat nie werk nie
- Veiligheidsgordels wat nie werk nie
- Ongeldige lisensieskyf
- Geen noodwiel, domkrag of moersleutel nie
Indien die voertuig onveilig is om te bestuur, weier om dit in ontvangs te neem en versoek die vervoerbeamptes om 'n ander voertuig uit te reik.
|
| 4.1 |
|
Enige defek aan die voertuig moet onmiddellik aandag kry ten einde verdere skade te verhoed. Die defektiewe voertuig sal nie uitgereik word totdat die defek aandag geniet het nie.
|
| 4.2 |
|
Instandhouding van GG-voertuie is belangriker as die gebruik van die voertuie. Instandhouding sal dus nie uitgestel word as gevolg van 'n tekort aan voertuie nie.
|
| 5.1 |
|
Daar mag nie in GG-voertuie gerook word nie.
|
| 5.2 |
Bestuurders moet saam met vervoerbeamptes seker maak dat voertuie binne en buite skoon en netjies is. Alle leë bottels, leë blikkies, rommel, dokumente, ens. moet uit die motor verwyder word wanneer dit teruggebring word.
|
| 6.1 |
|
'n Ongeluk waarin 'n GG-voertuig betrokke was, moet binne 24 uur aan die Suid-Afrikaanse Polisiediens en die betrokke vervoerbeampte gerapporteer word.
|
| 6.2 |
|
Die bestuurder moet
- geen aanspreeklikheid aan enige persoon erken nie;
- met Nedfleet skakel by 0800 500 005 of 0800 100 3538) om die voertuig te laat insleep, indien nodig;
- binne 24 uur 'n gevallenommer van die SAPD verkry; en
- die ongelukkeverslagvorm (Z181) invul, wat verkry kan word van die vervoerbeamptes, en dit binne 48 uur saam met enige toepaslike stawende dokumente (bv. verklarings van ooggetuies, skets van die ongelukstoneel, 3 kwotasies vir herstelwerk) aan die betrokke vervoerbeampte oorhandig.
|
| 7. |
|
Telefoonnommers
Sedert 1 Oktober 2007 het Staatsmotorvervoer (SMV) nuwe diensverskaffers, nl. Nedbank (Nedfleet) en AFS (eFuel). Hulle telefoonnommers is soos volg:
Nedfleet:
| Diensmagtiging en bande: | 0800 500 005 |
| Rapportering van verlore/gesteelde kaarte: | 0800 500 005 (Kantoorure)
0800 110 929 (Na-ure)
031 336 2218 (Indien geen antwoord by die kantoor) |
Insleep van voertuie:
(ongeluk of meganiese fout) | 0800 500 005 (Of 0800 100 353) |
AFS (eFuel):
| Hulplessenaar (tersydestelling): | 0860 100 353 |
| Installering of kalibrasie-probleme: | 021 467 4746 |
SMV:
| Verlore of gesteelde items, sowel as probleme met die voertuig: | 021 467 4756 / 4783 |
| Rapportering van ongelukke: | 021 467 4797 (Kantoorure)
0800 500 005 (Na-ure) |
| Diefstal van voertuig of kapings: | 082 906 4057
(Hierdie nommer word 24 uur per dag,
7 dae per week beman en voorvalle moet onmiddellik gerapporteer word.) |
|
GETEKEN: LJ ELY
HOOF: ONDERWYS
DATUM: 2008:06:03
|