| 1. |
Ooreenkomstig paragraaf (6) van die beleid: Vakveranderings vir die Nasionale Senior Sertifikaat: 'n Kwalifikasie op Vlak 4 van die Nasionale Kwalifikasieraamwerk (NKR) word vakveranderinge in die volgende gevalle toegelaat:
|
| 1.1 |
'n Leerder mag een of meer vakke in sy of haar graad 10-jaar verander.
|
| 1.2 |
Leerders mag 'n vak in graad 11 of 12 verander indien die skool reken dat dit in die beste belang van die leerder is om dit te doen. Die skool mag so 'n besluit neem slegs na konsultasie met die Hoof van die Departement of sy/haar afgevaardigde.
|
| 2. |
Die proses vir alle vakveranderinge in graad 10 tot 12 is in Omsendbrief 0004 van 2008 uiteengesit. Die keerdatum wat in Omsendbrief 0004 van 2008 genoem is, is verleng tot 30 Mei 2008.
|
| 3. |
As onderrigleier is dit die verantwoordelikheid van die prinsipaal om seker te maak dat die leerders se aansoeke deur die provinsiale onderwysdepartement ontvang en erken is. 'n Bestuursplan moet in plek wees om te verseker dat die leerders se vakke korrek op SOBIS geregistreer is.
|
| 4. |
Aangesien van leerders verwag word om bevoegdheid te toon in alle leeruitkomste en assesseringstandaarde wat oor 'n periode van drie jaar gedek is (graad 10, 11 en 12), kan dit 'n risiko plaas op graad 12-leerders om enige verdere veranderinge op hierdie laat stadium goed te keur. Geen verdere vakveranderinge sal dus na 30 Mei 2008 deur die WKOD aanvaar word nie.
|
| 5. |
Skoolhoofde en distriksbestuurders word hiermee versoek om geen verdere vakveranderinge vir graad 12-leerders toe te laat nie.
|
| 6. |
In uitsonderlike gevalle kan vakveranderinge nog in graad 11 toegelaat word, maar sodanige besluit is onderhewig aan dieselfde proses as die graad 12-proses en word op distriks- en skoolvlak bestuur.
|
| 7. |
Die skool sal vakveranderinge in graad 10 hanteer.
|
| 8. |
Maak asseblief seker dat ouers, onderwysers en leerders van graad 10 tot 12 bekend is met die inhoud en implikasies van hierdie omsendbrief.
|
GETEKEN: P. SATYO
HOOF: ONDERWYS
DATUM: 2008:06:03
|