1. Die Departement van Onderwys het nasionale riglyne vir die verkiesing van skoolbeheerliggame opgestel om eenvormigheid met die nominasie -en verkiesingsproses van beheerliggame by openbare skole in alle provinsies te bewerkstellig. Hierdie riglyne verskil in sekere opsigte van die huidige maatreëls vir die samestelling en werksaamhede van beheerliggame van gewone openbare skole wat deur die Wes-Kaap Onderwysdepartement (WKOD) uitgereik is, wat tot gevolg het dat die bogemelde maatreëls wat in Buitengewone Provinsiale Koerant 5946 van 31 Januarie 2003 gepubliseer is, dienooreenkomstig hersien moes word.
2. 'n Afdruk van die hersiene maatreëls wat in die Buitengewone Provinsiale Koerant 6519 van 20 Mei 2008 verskyn het, is aangeheg. Hierdie maatreëls vervang die maatreëls waarna daar in paragraaf 1 verwys word en tree in werking vanaf die datum van publikasie.
3. Bring asseblief die inhoud van hierdie omsendbrief onder die aandag van voorsitters van beheerliggame en alle ander belanghebbendes.


GETEKEN: HA LEWIS
HOOF: ONDERWYS
DATUM: 2008:06:18


Die dokumente, waarna verwys word in die Minuut, is aan skole gestuur.