1. Inleiding

Praktiese assesseringstake (PAT’s) is vir geselekteerde take opgestel. Hierdie PAT's word ekstern opgestel deur die nasionale Departement van Onderwys (DvO), interne by die skool geïmplementeer en dan ekstern binne die provinsie gemodereer.


2. Vakke wat `n PAT insluit:
2.1 Landboubestuurpraktyke, Landboutegnologie
2.2 Dansstudies, Ontwerp, Dramatiese Kunste, Musiek, Visuele Kuns
2.3 Rekenaartoepassingstegnologie, Inligtingstegnologie
2.4 Verbruikerstudies, Gasvryheidstudies, Toerisme
2.5 Siviele Tegnologie, Elektriese Tegnologie, Ingenieursgrafika en -ontwerp, Meganiese Tegnologie

3. Assessering van die Praktiese Assesseringstake
3.1 Die DvO het die riglyne vir praktiese assesseringstake wat saam met hierdie omsendbrief voorsien is, voorberei.
3.2 Die PAT gee onderwysers die geleenthied om die leerders se bevoegdheid om kennis in die betrokke vak toe te pas, waar te neem en behoort as een uitgebreide taak gesien te word. Hierdie een taak word in klein fases of in `n reeks kleiner aktiwiteite verdeel.
3.3 Die PAT tel 25% van die finale bevorderings-/sertifiseringspunt in alle vakke behalwe Ontwerp en Visuele Kuns waar dit 37,5% van die totale bevorderings-/sertifiseringspunt tel.
3.4 Die aangehegte Praktiese Assesseringstake moet aan die betrokke vakonderwysers voorsien word sodat hulle hierdie dokumente kan gebruik om die nodige assessering te doen.
3.5 Let asseblief daarop dat die DvO ook hersiene riglyndokumente vir Elektriese Tegnologie, Rekenaartoepassingstegnologie en Inligtingstegnologie voorsien het, sowel as addisionele inligting vir Siviele Tegnologie en Meganiese Tegnologie. Lig asseblief alle betrokke onderwysers oor die nuutste ontwikkeling in.
3.6 Ondersteuning van die betrokke kurrikulumadviseurs by die distrikskantoor sal deur die jaar verskaf word. Skole moet dus seker maak dat die relevante onderwysers die distriksvergaderings bywoon wat die implementering en moderering van die PAT's behandel.

4. Prinsipale word versoek om hierdie inligting onder die aandag van die betrokke onderwysers en leerders by hulle skole te bring.


GETEKEN: TT SINGH
HOOF: ONDERWYS
DATUM: 2008:05:08


Die dokumente, waarna verwys word in die Minuut, is aan skole gestuur.  Die dokumente is ook op die webblad http://curriculum.pgwc.gov.za/site/22/res/view/989 beskikbaar.