1. Die eerste Nasionale Senior Sertifikaat-eksamen (NSS), wat gebaseer is op die Nasionale Kurrikulumverklarings (NKV) vir graad 12, sal in November 2008 afgeneem word.
2. Die Interprovinsiale Eksamineringskomitee het die nasionale eksamenrooster opgestel nadat alle belanghebbendes in die onderwys en geloofsorganisasies geraadpleeg is. Hierdie rooster is onderskryf deur die Hoofde van Onderwysdepartemente-komitee (HODKOM) en is deur die Raad van Onderwysministers goedgekeur.
3. Skole sal daarop let dat die Nasionale Senior Sertifikaat-eksamen vir 2008 later in die jaar afgeneem word, vergeleke met die vorige Senior Sertifikaat-eksamens. Dit is in reaksie op die versoek van die Minister van Onderwys dat skole die ekstra tyd moet aanwend vir onderrig en leer. Skole word versoek om voort te gaan met hersiening en ander voorbereiding vir die eksamen tot die 24ste Oktober 2008.
4. Twee eksamensessies is vir elke dag geskeduleer. Die oggendsessie sal om 09:00 begin en die namiddagsessie om 14:00.
5. Prinsipale en sentrumbestuurders moet die kandidate asseblief in kennis stel dat die Nasionale Senior Sertifikaat se aanvullingseksamens in Februarie/Maart 2009 afgeneem sal word en nie verwar moet word met die Senior Sertifikaat-eksamen wat in Mei/Junie 2009 afgeneem word nie.
6. Ingesluit is 'n afskrif van die finale rooster vir die 2008 Nasionale Senior Sertifikaat-eksamen.
7.

Skoolhoofde en sentrumbestuurders word versoek om die WKOD van enige botsings op die rooster te verwittig. Sodanige verslae moet skriftelik voor Vrydag 16 Mei 2008 ingedien word by:

Die Hoof: Onderwys
Vir aandag mnr TJ Magwaca, Kamer 814
Wes-Kaap Onderwysdepartement
Privaatsak X9114
Kaapstad
8000

Faks: 021 467 2620
e-posadres:  tmagwaca@pgwc.gov.za

8. Prinsipale en sentrumbestuurders word versoek om alle kandidate in kennis te stel dat hulle beskikbaar moet wees tot op die laaste dag van die skoolkwartaal (05 Desember 2008), indien dit om enige rede nodig sou wees om die skryf van 'n bepaalde vraestel te herskeduleer.


GETEKEN: BK SCHREUDER
HOOF: ONDERWYS
DATUM: 2008:04:23

Finale rooster vir die 2008 Nasionale Senior Sertifikaat-eksamen  (grootte: 40 KB)