| 1. |
Kwintlanganiso yeBhunga laBaphathiswa beMfundo (Council of Education Ministers) nge-4 Juni 2007, kwavunywa ukuba iiMviwo zeMatriki (ikharityhulam endala) emva ko-2007 ziya kuqhutywa ngoMeyi/Juni kunyaka ngamnye, endaweni ka-Oktobha noNovemba.
|
| 2. |
Iimviwo zokuxabangela (Supplementary examination) zika-2008 ngoku ziya kubhalwa ngoMeyi/Juni 2008 ngaxeshanye neemviwo zika 2008 zeMatriki ezibhalwa luninzi lwabaviwa. Emva koko, iimviwo zeMatriki (izifundo zekharityhulam endala) ziya kubhalwa ngoMeyi/Juni ngonyaka ngamnye kude kuye kuba ngoMeyi/Juni 2011.
|
| 3. |
Iimviwo zokuxabangela zeSatifikethi seMatriki sikaZwelonke (ikharityhulam entsha) ziya kubhalwa zona ngoFebruwari/Matshi kunyaka ngamnye. |
| 4. |
|
Iziphumo zolu tshintsho kubaviwa abasisigxina ababhala uviwo luka-Oktobha noNovemba 2007
|
| 4.1 |
|
Iimviwo zokuxabangela ziya kubhalwa ngoMeyi/Juni 2008 endaweni yokuba zibhalwe ngoFebruwari nangoMatshi 2008.
|
| 4.2 |
|
Abaviwa ababhalisela iimviwo zeMatriki zikaMeyi/Juni 2008, abayi kuqingqelwa ukuba babhale izifundo ezibini kuphela ezona zininzi, njengoko imigaqo yeMatriki ibimisela oko kwithuba langaphambili, kodwa bangabhalisela nokuba zingaphi na izifundo.
|
| 4.3 |
|
Umhla wokuvala ubhaliso lwabaviwa abaya kufaneleka ukuba babhale iimviwo zokuxabangela zikaMeyi/Juni 2008, uya kuba ngowama-31 Januwari 2008.
|
| 4.4 |
|
Abaviwa beBakala 12 bangoku abangaziphumezanga iimfuno zokupasa izifundo zabo zeMatriki ngoMeyi/Juni 2008 baya kuba nalo elinye ithuba lokwenjenjalo ngoMeyi/Juni kunyaka ngamnye kude kube nguMeyi/Juni ngo-2011.
|
| 4.5 |
|
Nabaphi na abaviwa abazakubhalisela iimviwo zangoMeyi/Juni ukususela ngo-2008 ukuya ku-2011, mabeze nobungqina bokuba babebhalisele iimviwo zeMatriki zango-2007 kunye/okanye babebhalisele phambi kweemviwo zeMatriki.
|
| 5. |
|
Iziphumo zolu tshintsho kubaviwa abangesosigxina abaya kuhlalela iimviwo zeMatriki zika-Oktobha noNovemba 2008 nasemva koko
|
| 5.1 |
|
Ukususela ku-2008 ukubheka phambili, kuphela luviwo olunye ngoMeyi/Juni lonyaka ngamnye ukuya kuma ku-2011, oluya kubakho ukulungiselela aba baviwa.
|
| 5.2 |
|
Umhla wokuvala ubhaliso lwabo bonke abafundi abangesosigxina abaya kuhlalela iimviwo zeMatriki ngo-2008, uya kuba ngowama-31 Januwari 2008.
|
| 5.3 |
|
Kuya kufuneka abaviwa babe nobungqina bokuba babebhalisele iimviwo zeMatriki zango-2007 kunye/okanye babebhalisile phambi kweemviwo zeMatriki.
|
| 6. |
|
Uyacelwa ukuba wazise bonke abaviwa bakho beMatriki abasisigxina nabangesosigxina ngeziphumo zoku kulapha ngasentla.
|
ISAYINWE: NGU- S NAICKER
INTLOKO: YESEBE LEMFUNDO
UMHLA: 2007:11:01
|