| 1. |
Intshayelelo
UMphathiswa weMfundo kuzwelonke wabhengeza, kwiGazethi kaRhulumente No. 29851 yowe-30 Apreli 2007 (Government Gazette No. 29851 of 30 April 2007), ufakelo lwezilungiso kwiimfuno zokupasa zeSatifikethi seMatriki sikaZwelonke ((National Senior Certificate) (NSC)) nakwiprogram yokufaka ngokwezigaba ezi mfuno zihlaziyiweyo.
|
| 2. |
Ufakelo lwezilungiso kwiimfuno zokupasa i-NSC
|
| 2.1 |
Ukuze afumane i-NSC, umviwa makapase ubuncinane nge-40% kwizifundo ezithathu, esinye sazo kufuneka ibe lulwimi lwaseburhulumenteni kwinqanaba loLwimi lweNkobe. Izifundo ezibini eziseleyo ekufuneka zipaswe ubuncinane nge-40% zingazizo ezinye zazo naziphi na izifundo umviwa azifundayo.
|
| 2.2 |
Esi silungiso silapha ngasentla sithetha ukuba akunyanzelekanga ukuba abafundi bapase isifundo soLwazi ngezoBomi nge-40%, kodwa banokusipasa esi sifundo ubuncinane nge-30%. Kodwa ke isifundo soLwazi ngezoBomi sisengabalwa njengesinye sezifundo ezithathu ezifuna zipaswe ubuncinane nge-40%.
|
| 2.3 |
Umviwa kufuneka kwakhona afumane amanqaku okupasa ubuncinane ayi-30% kwizifundo ubuncinane ezithathu ezizezinye.
|
| 2.4 |
Umviwa makenze ubuncinane izifundo ezisixhenxe ukuze afaneleke ukufumana i-NSC. Ukuze isifundo sithathwe njengeso 'sifundwayo', umviwa makangqinelane nayo yonke imiba yeemfuno ze-CASS.
|
| 3. |
Ufakelo lwezilungiso kwiimfuno zokupasa izifundo ze-NSC
|
| 3.1 |
Umviwa akavumelekanga ukuba azifunde zombini, i-Computer Applications Technology ne-Information Technology.
|
| 3.2 |
Umfundi akavumelekanga ukuba afunde zombini, i-Consumer Studies ne-Hospitality Studies.
|
| 4. |
Ufakelo lwezilungiso kwiprogram ukwenzela ukufaka ngezigaba iimfuno ezintsha ze-NSC
|
| 4.1 |
Ukwenzela ukubonelela abaviwa abasele bekwiprogram ye-NSC, iimfuno eziphantsi ko-3.1 no-3.2 apha ngasentla ziya kusebenza ekubhaliseni abeBakala 10 kuphela ukususela kowe-1 Januwari 2008.
|
| 4.2 |
Zonke ezi mfuno zintsha eziphantsi komhlathi 3 apha ngasentla azisayi kusebenza kubaviwa ababhalise kwiBakala 10 ngowe-2006 nangowe-2007, kwiBakala 11 ngowe-2007 nangowe-2008, nakwiBakala 12 ngowe-2008 nangowe-2009.
|
| 5. |
Ziyacelwa iinqununu ukuba zazise bonke ootitshala, abafundi nabazali okubhalwe kule setyhula.
|
ISAYINWE: NGU-S.M. NAICKER
INTLOKO: YESEBE LEMFUNDO
UMHLA: 2007:06:18
|