| 1. |
Die finale lyste van aanbevole boeke vir letterdkundestudie en voorgeskrewe boeke vir graad 7 tot 12 vir 2008 is ingesluit.
|
| 2. |
Die lys boeke vir literatuurstudie vir graad 10-leerders van 2008 bly onveranderd van die lys wat voorgeskryf is vir graad 10-leerders van 2006 en 2007. Omsendbrief 0034/2005 en 0035/2006, van 04/06/2005 en 22/09/2006 onderskeidelik het betrekking. (Sien aangehegte Bylae A.)
|
| 3. |
Onderwysers van graad 11-leerders in 2008 mag letterkundestudieboeke kies uit die WKOD-boekelys vir graad 11-leerders, of enige gepaste titels uit die lyste wat die skole in 2007 ontvang het via Omsendbrief 0060/2006, gedateer 24/11/2006. (Sien aangehegte Bylae B.)
|
| 4. |
Aangeheg by hierdie omsendbrief is die graad 12-lyste van voorgeskrewe boeke, wat ook in Braille geëksamineer gaan word om kandidate wat gesiggestremd is te akkommodeer. (Sien aangehegte Bylae C.)
|
| 5. |
Kandidate wat die Senior Sertifikaat-eksamen in Mei en Junie 2008 of die Nasionale Senior Sertifikaat-eksamen in November 2008 gaan skryf, sal geëksamineer word oor die boeke in die aangehegte lyste van hierdie omsendbrief. Let daarop dat die graad 12-lys vir 2008 vir alle tale dieselfde bly as in 2007. Die lys van titels van nie-amptelike tale sal later beskikbaar gemaak word, aangesien hierdie lys deur die Onafhanklike Eksamineringsraad (OER) opgestel sal word.
|
| 6. |
Die Departement wil graag sy waardering uitspreek teenoor almal wat bygedra het om die lys saam te stel. Spesiale dank is verskuldig aan die voorgeskreweboekekomitees.
|
GETEKEN: S.M. NAICKER
HOOF: ONDERWYS
DATUM: 2007:08:03
|