| 1. |
Alle belanghebbendes word hiermee ingelig dat die prosedures met betrekking tot die prosessering van die tydelike en plaasvervanger-aanstellings van opvoeders in hersiening geneem is. Die volgende vorms sal voortaan vereis word ten einde voormelde aanstellings te finaliseer vir prosessering:
- Benoemingsvorm (A3) (Volledig voltooid)
- Aansoekvorm (A2)
- Vorm Z56 (in die geval van 'n eerste aanstelling) vir die inbetaling van salaris in 'n bankrekening
- Gewaarmerkte afskrifte van alle formele kwalifikasies
- Gewaarmerkte afskrif van identiteitsdokument
|
| 2. |
Elke aanstelling, vir welke tydperk ookal, is 'n aanstelling in eie reg, en vereis 'n afsonderlike, volledige stel aanstellingsdokumente.
|
| 3. |
Onvolledige benoemings sal nie geprosesseer kan word nie en sal aanleiding gee tot die laat betaling van salarisse waarvoor die WKOD nie verantwoordelikheid sal kan aanvaar nie.
|
U samewerking sal hoog op prys gestel word.
GETEKEN: J.H. HURTER
HOOF: ONDERWYS
DATUM: 2007:06:25
|