| 1. |
Die nasionale Minister van Onderwys het die beleidsdokument met die titel, 'N BYLAE TOT DIE BELEIDSDOKUMENT, DIE NASIONALE SENIOR SERTIFIKAAT 'N KWALIFIKASIE OP VLAK 4 VAN DIE NASIONALE KWALIFIKASIERAAMWERK (NKR) AANGAANDE DIE NASIONALE PROTOKOL VIR ASSESSERING (NPA GRAAD R - 12) goedgekeur.
|
| 2. |
Vanaf 1 Januarie 2007 moet die Nasionale Protokol vir Rekordering en Rapportering (Regeringskoerant 29467) in alle skole geďmplementeer word.
|
| 3. |
Hierdie protokol is bepaald van toepassing op graad 10 - 12 en standaardiseer die rekorderings- en rapporteringsprosesse vir skole (graad R - 12) binne die raamwerk van die nasionale Kurrikulumverklaring vir graad R - 9 & 10 - 12. Dit verskaf ook 'n regulerende raamwerk vir die bestuur van skole se assesseringsrekords.
|
| 4. |
Hierdie protokol moet saamgelees word met die volgende regulerende raamwerke en riglyne: Die Nasionale Kurrikulumverklaring graad R - 9 (2002) en graad 10 - 12 (2004). Onderwyswitskrif 6 (Spesiale Behoeftes in die Onderwys, 2001), Taal-in-onderwysbeleid (1997), Suid-Afrikaanse Skolewet (1996), Kwalifikasieraamwerk vir die Nasionale Senior Sertifikaat en Assesseringsriglyne. Die Assesseringsbeleid van 1998 moet hersien word om die protokol te akkommodeer.
|
| 5. |
'n Gedrukte kopie van die Nasionale Protokol vir Rekordering en Rapportering sal aan skole gepos word. (Verwys na Kurrikulumontwikkelingsminuut DCD/009/2007). Die dokument word in Afrikaans vertaal en 'n afskrif sal eersdaags vir alle Afrikaans-medium skole beskikbaar gestel word.
|
| 6. |
Maak asseblief seker dat alle beamptes en graad 10- tot 12-onderwysers hulleself vertroud maak met die inhoud en implikasies van hierdie beleidsdokument.
|
| 7. |
'n Omvattende hersiene dokument, Nasionale Beleid oor Assessering en Kwalifikasies in die Algemene-onderwys-en-opleidingsband, is in die Staatskoerant gepubliseer en sal aan skole gestuur word.
|
GETEKEN: S.M. NAICKER
HOOF: ONDERWYS
DATUM: 2007:03:15
|