| 1. |
Op 5 Desember 2006 het die Minister van Onderwys die volgende beleidsdokument goedgekeur: Bylae tot die Beleidsdokument, Die Nasionale Senior Sertifikaat: 'n Kwalifikasie op vlak 4 van die Nasionale Kwalifikasieraamwerk (NKR) aangaande Leerders met Spesiale Behoeftes, wat gepubliseer is as Regeringskennisgewing No. 1266 in die Regeringskoerant, Vol. 498, No. 29466 van 11 Desember 2006.
|
| 2. |
Hierdie wysiging akkommodeer leerders met spesiale behoeftes wat nie aan die vereistes van hoofstroomskole kan voldoen nie, veral diegene wat spesiale onderwysmetodes benodig. Hierdie gewysigde beleid is van krag vanaf 1 Januarie 2007.
|
| 3. |
Graad 10- tot 12-leerders wat leerhindernisse ervaar (soos in hierdie beleid gedefinieer) mag dus een van die volgende twee leerroetes volg om 'n kwalifikasie te verwerf:
|
| 3.1 |
Die Nasionale Senior Sertifikaat (NSS) soos gestipuleer in die beleidsdokument, die Nasionale Senior Sertifikaat: 'n Kwalifikasie op Vlak 4 op die Nasionale Kwalifikasieraamwerk (NKR). Onderwysers mag egter in hulle leerprogramme voorsiening maak vir die spesiale behoeftes van hierdie leerders deur slegs die aktiwiteite in hulle leerprogramme aan te pas. of
|
| 3.2 |
Die Nasionale Senior Sertifikaat soos gestipuleer in die dokument: Bylae tot die Beleidsdokument, Die Nasionale Senior Sertifikaat: 'n Kwalifikasie op vlak 4 van die Nasionale Kwalifikasieraamwerk (NKR) aangaande Leerders met Spesiale Behoeftes
|
| 4. |
'n Gedrukte kopie van die bogenoemde Regeringskoerant sal aan skole gepos word.
|
| 5. |
Maak asseblief seker dat alle graad 10- tot 12-onderwysers hulleself vertroud maak met die inhoud en implikasies van hierdie beleidsdokument.
|
GETEKEN: S.M. NAICKER
HOOF: ONDERWYS
DATUM: 2007:03:15
|