1. Intshayelelo
1.1 Uviwo lweSatifikethi seMatriki sikaZwelonke (National Senior Certificate), oluya kubhalwa okokuqala ngo-2008, lunika abafundi ithuba lokwenza isifundo sibe sinye phantsi kwequmrhu leemviwo elingelilo iSebe leMfundo likazwelonke, ngokuxhomekeka ekubeni isifundo eso sifakiwe kumgaqo-nkqubo kazwelonke.
1.2 ISebe leMfundo leNtshona Koloni liqulunqe ezoQoqosho lwezaseLwandle kunye nezeeHambo ngoLwandle (Maritime Economics and Nautical Science) njengezifundo ezongezelelweyo ze-NSC ngokungqinelana nemimiselo eyimfuneko yeSebe leMfundo likazwelonke.

2. Ukuvunywa kwezifundo zoQoqosho lwezaseLwandle neSayensi yezeeHambo ngoLwandle
2.1 UMphathiswa weMfundo kazwelonke, kule Setyhula S10 ka-2006, uvume ezi zifundo zilandelayo, eziya kubhalwa ngolu hlobo lulandelayo kuxwebhu lomgaqo-nkqubo, National Senior Certificate: A qualification at Level 4 on the National Qualifications Framework (NQF).

Table B3: Business, Commerce and Management
SUBJECTSUBJECT NUMBER
 Grade 10Grade 11Grade 12
Maritime Economics030700120307002303070034

Table B5: Engineering and Technology
SUBJECTSUBJECT NUMBER
 Grade 10Grade 11Grade 12
Nautical Science060700120607002306070034

2.2 IBhodi eziMeleyo yeeMviwo (Independent Examination Board (IEB)) iya kuba noxanduva lokwenza uvavanyo lwangaphakathi kunye noviwo lokuphela konyaka lwezi zifundo zibini. Abaviwa abenza ezi zifundo kufuneka, xa bebhalisela uviwo lwabo lwesiqhelo lweSatifikethi seMatriki sikaZwelonke kwisikolo abafunda kuso, babhalise kwakhona kwiBhodi eziMeleyo yeeMviwo (IEB) ukulungiselela ukwenziwa kovavanyo.
2.3 EzoQoqosho lwezaseLwandle neSayensi yezeeHambo ngoLwandle ziya kuthatha indawo, yezi zifundo Maritime Studies A (shore-based) ne-Maritime Studies B (Sea-going) ngokulandelelanayo, ekuzezinye zezifundo zeemviwo zeMatriki njengangoku.
2.4 Ukufundwa kwezoQoqosho lwezaseLwandle (Maritime Economics) neSayensi yezeeHambo ngoLwandle kuya kwenziwa kuphela zizikolo ezinxulumene nezamashishini aselwandle (maritime industry) ezinezibonelelo ezilungiselelwe oku nezixhobo zokufunda ezifanelekileyo.
2.5 Abafundi abakwizikolo ezivunyiweyo bangenza nokuba sisifundo sezoQoqosho lwezaseLwandle (Maritime Economics) okanye iSayensi yezeeHambo ngoLwandle (Nautical Science) ngokungqinelana nommiselo wokuba kungafakwa isifundo esinye ngaphezulu kwezo zisixhenxe emazenziwe ngumviwa woviwo lweSatifikethi seMatriki sikaZwelonke nemasivavanywe liqumrhu leemviwo elivunyiweyo elingelilo iSebe leMfundo. Abafundi abanqwenela ukwenza zozibini ezi zifundo, ezoQoqosho lwezaseLwandle (Maritime Economics) neSayensi yezeeHambo ngoLwandle (Nautical Science) njengenxalenye yeprogram yeSatifikethi seMatriki sikaZwelonke bangakwenza oko, ngokuxhomekeka ekubeni esinye sezi zifundo zibini senziwa njengesifundo sesibhozo soviwo lweSatifikethi seMatriki sikaZwelonke.

3. Kucelwa wazise okubhalwe kule ngcaciso emfutshane bonke ootitshala nabazali ukuze bakuthathele ingqalelo.


ISAYINWE: NGU-S.M. NAICKER
INTLOKO: YESEBE LEMFUNDO
UMHLA: 2005:11:28