1. Le setyhula ifakela imibandela kwimigqaliselo ekwimihlathi 3 no-4 yeSetyhula 0035/2006 ephelelwa ngo 2008/03/30, lo gama izintlu ezimbini kwizihlomelo eziqhotyoshelwe kule setyhula zithatha indawo yezintlu ezikwiphepha 21 (kwisi-Afrikansi) nephepha 53 (kwisiNgesi) zezihlomelo ezaqhotyoshelwa kwiSetyhula 0035/2006.
2. Ufakelo-mbandela kumhlathi 3
2.1 ISetyhula 0035/2006 yabhengezwa ukuba izikolo mazithi, okwakalokunje, zikhethe iintlobo ezi-3 zoncwadi lweBakala 11 kuLwimi lokuQala oLongezelelweyo. Ngethuba lokuthumela le setyhula, iSebe leMfundo kuzwelonke lalingekasithathi isigqibo ngalo mbandela.
2.2 Singanixelela ngoku ukuba kumaBakala 10 no-11 enza iiLwimi zokuQala eZongezelelweyo, izikolo mazifunde ubuncinane EZIMBINI kwezi ntlobo zeencwadi zokufundwa zimiselweyo zilandelayo ukulungiselela iinjongo zoviwo:

  • Inoveli

  • Idrama

  • Amabali amafutshane

  • Imibongo
3. Ufakelo-mbandela kumhlathi 4
3.1 Kumhlathi 4 weSetyhula 0035/2006 kwabhengezwa ukuba izikolo mazithi, okwakalokunje, zikhethe iintlobo ezi-2 zoncwadi lweBakala 11 kuLwimi lwesiBini oLongezelelweyo.
3.2 Singanixelela ngoku ukuba kumaBakala 10 no-11 enza iiLwimi zesiBini eZongezelelweyo, izikolo mazifunde ubuncinane ENYE kwezi ntlobo zeencwadi zokufundwa zimiselweyo zilandelayo ukulungiselela iinjongo zoviwo:

  • Inoveli

  • Idrama

  • Amabali amafutshane

  • Imibongo
4. Ngokwenjenje kufakelwa imibandela kwizintlu zemidlalo ekucetyiswa ukuba yenziwe kwisifundo i-Dramatic Arts kumabakala 10 no-11 ngo-2007. Kucelwa nifake endaweni yazo isiHlomelo A (imidlalo yesi-Afrikansi) nesiHlomelo B (imidlalo yesiNgesi) eziqhotyoshelweyo.
5. ISebe leMfundo leNtshona Koloni licela uxolo ngayo nayiphi na inkxamleko ebangelwe lutshintsho lwesi sigqibo ngabasemagunyeni.


ISAYINWE: NGU-S.N. NAICKER
INTLOKO: YESEBE LEMFUNDO
UMHLA: 2006:10:25

isiHlomelo A & B  (ubukhulu: 34 KB)