| 1. |
I-National Council of Women of South Africa ivakalise inkxalabo yayo malunga nendlela engenavelwano abathi abazali baphathwe ngayo ngabasebenzi bezolawulo kwezinye izikolo zikarhulumente, ngokukodwa ngokuphathelele kwintlawulo yeefizi zesikolo.
|
| 2. |
Eli Bhunga lithathe isigqibo kwinkongolo yalo yakutshanje sokucela uMphathiswa weMfundo kazwelonke ukuba aqalise iinkqubo ezikumgangatho ofanayo zokuphucula ukwenziwa komsebenzi ngendlela echubekileyo nebonisa ulwazi nobuchule kubasebenzi abanika inkxaso ezikolweni.
|
| 3. |
ISebe leMfundo likazwelonke licele ngoku amasebe emfundo amaphondo ukuba enze izikolo ziqaphele ngakumbi ezi zinto zixhalabisayo zivakalisiweyo.
|
| 4. |
Iinqununu zezikolo zikarhulumente noosihlalo bamabhunga olawulo ezikolweni bayacelwa ukuba bakhumbuze abasebenzi ngoxanduva lwabo lokuphatha abazali ngovelwano oluyimfuneko. Mazibakhumbuze aba baqeshwa ngemigaqo ka-Batho Pele ne-iKapa Elihlumayo, baze baqinisekise ukuba baqeqeshelwe ukujongana noluntu ngentlonipho novelwano.
|
| 5. |
Nakuba kunjalo, sinqwenela ukusebenzisa eli thuba sivakalise umbulelo weSebe leMfundo kwabo basebenzi bezikolo banika inkxaso abasoloko bephatha abazali ngembeko encomekayo nakakuhle.
|
ISAYINWE: NGU-J.H. LYNERS
INTLOKO: YESEBE LEMFUNDO
UMHLA: 2006:11:07
|