| 1. |
NgokwemiMiselo 9 no-10 yeSahluko J samaNyathelo oLawulo lwaBasebenzi (Personnel Administration Measures (PAM)), nomMiselo F (c) weCandelo V lemiMiselo yeNkonzo kaRhulumente, 2001, kwakunye nemihlathi 13 no-14 yoMyalelo ongeKhefu lokuNgabikho emSebenzini kwiNkonzo kaRhulumente (Directive on Leave of Absence for the Public Service), iNtloko yeSebe leMfundo inokunika umqeshwa, oontsuku zakhe zekhefu lokugula eliqhelekileyo (eziyi-36 ngomjikelo oyiminyaka emithathu (three-year cycle)) zisetyenziswe zaphela, elinye ikhefu lokugula elongezelelweyo (ikhefu lokungaphili okwethutyana (temporary sick leave)). Ikhefu lokugula elongezelelweyo linikwa ngokujonga imeko yesicelo ngasinye esenziweyo nasemva kokuqwalasela iimeko kunye neencwadi zoogqirha zokugula neengxelo zoogqirha ekufuneka zihambe nesicelo eso njengobungqina.
|
| 2. |
NgokweShedyuli 8 yoMthetho wezoBudlelwane eMsebenzini, 1995 (UMthetho 66 ka-1995) (Labour Relations Act, 1995 (Act 66 of 1995), umqeshi makathi, zingaphelanga iintsuku eziyi-30 emva kokufumana esinye isicelo sokunikwa ikhefu lokugula elingaphezulu somqeshwa okhefu lakhe lokugula (leentsuku eziyi-36) lisetyenziswe laphela, enze isigqibo ngohlobo nobungakanani bokungaphili (incapacity) komqeshwa. Ngokuxhomekeka kuhlobo nobungakanani bokungaphili, umqeshi uya kuthi ke ngoko amazise umqeshwa ngesigqibo sakhe kunye nangenye inkqubo, ukuba kuthe kanti uhlobo lokungaphili kwakhe kokusisigxina kwaye kuchaphazela imeko yakhe ngokupheleleyo (permanent and comprehensive nature).
|
| 3. |
Ukusetyenziswa ngokugqithisileyo kwekhefu lokugula kungoyena nobangela wenkxalabo ophambili kwinkonzo karhulumente, njengoko oko kuthi kuchaphazele ukuzibophelela komqeshi ekwenzeni iinkonzo. Ngako oko ke kugxininiswa ngamandla kusetyenziso nolawulo lwekhefu, ingakumbi ikhefu lokugula yaye le migqaliselo ekhankanywe apha ngasentla ibeka uxanduva emagxeni omqeshi nomqeshwa bobabini ukuba bathobele le miqathango imiselweyo ngokumalunga noku. Abaqeshwa mabaqaphele ukuba kunyanzelekile ukuba bafake isicelo sekhefu lokungaphili zingekapheli iiintsuku ezi-5 emva kokuba beye baqonda ukuba bafuna okanye banokufuna ikhefu elilolu hlobo. Oku kulandelayo ngumzekelo:
Umqeshwa ongekhoyo emsebenzini ngenxa yokugula. Sele esebenzise iintsuku zekhefu lakhe lokugula eziyi-30 kumjikelo othile aze ugqirha acebise ukuba kufuneka ezinye iintstuku ezili-15 zokuba achache. Oku kuya kuthetha ukuba udlule kwiintsuku zakhe zekhefu lokugula ezivumelekileyo eziyi-36 kumjikelo ngeentsuku ezili-9. Umntu ololu hlobo makenze isicelo ngoko nangoko sekhefu lokungaphili okwethutyana, yaye oku kungabi semva kweentsuku ezi-5 emva kokuba eye waqonda ukuba uza kugqithisa kwiintsuku zakhe zekhefu lokugula. Kuya kusebenza kwaoku kwisigulo esitsha nesiya kubangela ukuba agqithise kwiintsuku zakhe zekhefu lokugula eziyi-36.
|
| 4. |
Kwinzame zokulawula le ngxaki yokusetyenziswa ngokugqithisileyo kwekhefu lokugula, iSebe leNKonzo kaRhulumente noLawulo njengesebe elikhokelayo, ngemvume yeKhabhinethi liye laqulunqa umgaqo-nkqubo ofanayo (uniform policy), noza kusetyenziswa kuwo onke amacandelo enkonzo karhulumente. Lo mgaqo-nkqubo unikwe eli gama UMgaqo-nkqubo neNkqubo yeKhefu lokuNgaphili noMhlala-phantsi ngenxa yokuGula (Policy and Procedure on Incapacity Leave and Ill-health Retirement (PILIR)) kwaye uqale ukusebenza kuRhulumente wePhondo leNtshona Koloni ukususela nge-1 June 2006.
|
| 5. |
Ukuze kuqinisekiswe ukuqwalaselisiswa ngobulungisa (fair evaluation) kwazo zonke izicelo zekhefu lokugula elongezelelweyo, nokuba ngaba lusuku olunye kuphela ngaphezu kweentsuku zekhefu lokugula eziyi-36 kumjikelo nanelungelo lazo, kwakunye nokulungiselela ukusingathwa ngokukhawuleza kwezicelo zokuphuma enkonzweni ngenxa yokugula, kuqeshwe lo mboneleli-nkonzo ozimeleyo, SOMA INITIATIVE njengeHealth Risk Manager wePhondo leNtshona Koloni. Lo mbutho, owenziwa ngoogqirha neengcali zonyango (medical practitioners and specialists), uya kunika iingcebiso kwiSebe leMfundo leNtshona Koloni (WCED) malunga nohlobo nobungakanani bokungaphili kwabasebenzi, ukuba kufuneka kunikwe elinye ikhefu lokungaphili elongezelelweyo nokuba umqeshwa aphume enkonzweni. Iingcebiso zawo ziya kunceda iSebe iWCED, ukuba likwazi ukwenza izigqibo linolwazi malunga nokusingatha izicelo. Mayigxininiswe into yokuba uxanduva luzinze emagxeni abaqeshwa ukuza nobungqina bokuba abanako ukwenza imisebenzi yabo nokuba bonke ubungqina obuyimfuneko obufunwa yiHealth Risk Manager buya kunikwa ngumenzi-sicelo.
|
| 6. |
Njengoko kukhankanyiwe kumhlathi 3 apha ngasentla, kufuneka abaqeshwa bafake isicelo sokucela ukunikwa ikhefu lokugula elongezelelweyo ngendlela emiselweyo ngokusebenzisa iifom ezintsha, zingekapheli iiintsuku ezi-5 emva kokuqala kwekhefu lokungaphili. Kuselilungelo lomqeshwa ukwenza isicelo sekhefu lokugula elongezelelweyo okanye ukwenza isicelo sokuphuma enkonzweni ngenxa yokugula, kodwa kwakuhlala kulilungelo lomqeshi ukuvuma okanye ukwala izicelo ezilolu hlobo okanye ukufikelela esigqibeni kwimeko yekhefu sokuba libe lide kangakanani na ithuba lokumnika inkxaso umqeshwa. Nakuba kunjalo, igalelo leHealth Risk Manager liya kuncedisa ekukhawuleziseni izigqibo nasekuqinisekiseni ukuba kwenziwa izigqibo ezizizo.
|
| 7. |
Ngokwalo mgaqo-nkqubo umtsha umqeshi (iSebe iWCED) unyanzelekile ukuba enze isigqibo esithile kwiintsuku eziyi-30 emva kokufumana isicelo esizaliswe zonke iinkcukacha ngokuchanekileyo. Esi sigqibo siya kuthathwa kwi-Ofisi yezaBasebenzi kwaNdlunkulu, nekuyiyo edluliselwe igunya ngokumalunga noku (delegated authority in this regard). Abaqeshwa ke ngoko baya kwazi ngethuba elifutshane noko malunga nezigqibo ezo. Oku kuya kunceda kwakhona iisuphavayiza ekwenzeni amanye amalungiselelo afanelekileyo nasekulawuleni abasebenzi babo bhetele.
|
| 8. |
[Iifom ezintsha zesicelo ezimiselweyo zingamaxwebhu amade kwaye ngelishwa azibanga nakuqhotyoshelwa kule setyhula] - Note: these forms have been attached to this document - see papargarph 9 below. Kodwa ke iifom, kwakunye nengcaciso engaphezulu emalunga nokusetyenziswa kwekhefu lokungaphili, ziyafumaneka kweli ziko lewebhu www.dpsa.gov.za kwaye ungafikelela kweli ziko lewebhu ngolu hlobo lulandelayo:
|
| 8.1 |
Klikha kwicala langasekhohlo ku-Document Archive
|
| 8.3 |
Klikha ku-Conditions of Service uze uye ku-Leave
|
| 8.4 |
Klikha ku-5 December 2005 iifom ezahlukeneyo okanye iziHlomelo zingafumaneka
ngokuklikha ku-Note……
These forms/annexures are also available below - see papargarph 9
|
| 9. |
Ukucacisa, iifom ezichaphazelekayo neemeko emazisetyenziselwe zona zichazwa ngokufutshane apha ngezantsi:
|
| 9.1 |
Ifom yokuqala, IsiHlomelo A, yifom yokwenza isicelo ukulungiselela amathuba amafutshane (Usuku olu-1 ukuya kwiintsuku eziyi-29) zekhefu lokugula ezingaphezu kweentsuku eziyi-36. Le fom mayizaliswe ngumqeshwa, ngumqeshi (uNdlunkulu we-WCED), yiHealth Risk Manager neNtloko yeSebe. Umqeshwa uya kwaziswa ngesigqibo emva kokuthathelwa ingqalelo kwesicelo sakhe.
|
| 9.2 |
Ifom yesibini, IsiHlomelo B, yeyamathuba amade ekhefu lokugula (Iintsuku eziyi-30 nangaphezulu) zekhefu lokugula ezingaphezu kweentsuku eziyi-36. Le fom mayizaliswe ngumqeshwa, ngugqirha wakhe, ngumqeshi (uNdlunkulu we-WCED), yiHealth Risk Manager neNtloko yeSebe. Umqeshwa uya kuthi kule meko aziswe naye ngesigqibo esithathiweyo.
|
| 9.3 |
Ifom yesithathu, IsiHlomelo E, yomhlala-phantsi ngenxa yokugula. Le fom mayizaliswe ngumqeshi (uNdlunkulu we-WCED), ngumqeshwa nogqirha wakhe. Kunokungeniswa kwakhona ezinye iingxelo ezixhasayo. Isigqibo sokugqibela siya kwenziwa yiNtloko yeSebe.
|
| 9.4 |
Ifom yesine, IsiHlomelo F, yifom yokwenza isicelo eyenziwe yamfutshane yomhlala-phantsi ngenxa yokugula. Le fom ingazaliswa xa iNtloko yeSebe inoluvo lokuba, emva kophando olunzulu ukulungiselela injongo yokunikwa ikhefu lokugula ithuba elide, kodwa ke umqeshwa makathathe umhlala-phantsi ashiye inkonzo ngenxa yokugula.
|
| 9.5 |
Kubongozwa wonke umntu ozalisa ezi fom okanye inxenye yazo ukuba akwenze oko ngenyameko enkulu, ukuze zizaliswe ngokuchanekileyo, ukuba zisayinwe ngabantu abafanelekileyo kwiindawo ezichaphazelekayo nokuba iifom zibhalwe umhla. Ukuba iifom azizaliswanga ngokuchanekileyo ziya kuphindiselwa emva, nokuya kuthi kulibazise imicimbi.
|
| 10. |
Amaziko emfundo angenaso isibonelelo se-intanenti angazifumana ezi fom kwii-EMDC ezichaphazelekayo.
|
| 11. |
Kucelwa uthumele iifom ezigqityiweyo kwiCandelo loLawulo lwaBasebenzi (Ootitshala) apha: Director: Personnel Management (Educators), Leave Division, kwaNdlunkulu ngokumalunga nootitshala, nalapha: Director: Personnel Management (Public Service), Leave Section, kwimeko yabasebenzi beNkonzo kaRhulumente (Public Service personnel). Idilesi kuzo zombini ezi meko yile Private Bag 9114, Cape Town, 8000.
|
| 12. |
Okukule setyhula makwaziswe bonke abaqeshwa abaphantsi kolawulo lwakho ukuze bakuthathele ingqalelo kwaye ikopi yale setyhula mayidluliselwe kusihlalo webhunga lolawulo lesikolo.
|
| 13. |
Iya kuthakazelelwa intsebenziswano yenu malunga nalo mba kunye neenzame zenu eziqhubeka okokoko zokulawula ikhefu lokugula ngendlela eyiyo.
|
ISAYINWE: NGU-J.H. HURTER
INTLOKO: YESEBE LEMFUNDO
UMHLA: 2006:09:01
|