1. Inleiding
1.1 Hierdie omsendbrief moet saamgelees word met Kurrikulumminuut 0062/2005, gedateer 17/08/2005.
1.3 In Januarie 2006 word die Nasionale Kurrikulumverklaring graad 10 – 12 (Algemeen) in graad 10 in alle openbare en onafhanklike skole geïmplementeer.
1.3 Hierdie driejarige studieprogram, waarvan die tweede jaar in graad 11 (2007) en die derde jaar in graad 12 (2008) geïmplementeer sal word, lei tot ‘n Nasionale Senior Sertifikaat.
1.4 Die eerste Nasionale Senior Sertifikaat sal in Oktober/November 2008 geskryf word.

2. Nasionale Senior Sertifikaat
2.1 Om te kwalifiseer vir `n Nasionale Senior Sertifikaat in 2008, behoort graad 10-leerders in 2006 sewe vakke soos volg uit die goedgekeurde lys van vakke, ooreenkomstig die polisdokument, National Senior Certificate: A qualification at Level 4 on the National Qualifications Framework (NQF) te neem:
2.1.1 Twee amptelike tale, op voorwaarde dat een van die twee op Huistaalvlak en die ander op Huistaal of Eerste Addisionele Taal-vlak. Een van die tale behoort die taal van leer en onderrig te wees. (TLO);
2.1.2 Wiskunde of Wiskundige Geletterheid;
2.1.3 Lewensoriëntering;
2.1.4 `n Minimum van enige drie vakke uit die goedgekeurde lys van vakke van Bylae B van die polisdokument, National Senior Certificate: A qualification at Level 4 on the National Qualifications Framework (NQF).
2.2 Leerders mag ook een van die volgende goedgekeurde vakke neem wat deur die volgende assesserings liggame wat deur die Minister van Onderwys vir hierdie doeleindes goedgekeur is, aangebied word:
2.2.1 Praktiese musiekeksamens: Associated Board of the Royal Schools of Music;
2.2.2 Praktiese musiekeksamens: Trinity College of London;
2.2.3 Praktiese musiekeksamens: UNISA.

3. Onsuksesvolle kandidate en deeltydse kandidate
3.1 Spesiale voorsiening is gemaak vir Senior Sertifikaat-kandidate wat onsuksesvol in die Senior Sertifikaat-eksamen van 2007 was, deur vir hulle uitstel te gee tot Maart 2011 om die Senior Sertifikaat te behaal.
3.2 Hierdie spesiale voorsiening is ook van toepassing op deeltydse kandidate, wat alreeds vir die Senior Sertifikaat-program ingeskryf is. Sentrumbestuurders van openbare leersentrums vir volwassenes moet seker maak dat alle leerders wat tans vir die Senior Sertifikaat ingeskryf is, kennis dra van hierdie spesiale voorsiening.
3.3 Alle Senior Sertifikaat-vakke wat suksesvol voor 2006 deur kandidate geskryf is, sal vir die uitreiking van die Senior Sertifikaat tot by Maart 2011 erken word.
3.4 Die polisdokument, A Résumé of instructional programmes in schools Report 550, wat die programaanwysings vir die Senior Sertifikaat bevat, sal dus net `n onderhoudings- funksie hê en sal geleidelik deur die nuwe polisdokument, National Senior Certificate: A qualification at Level 4 on the National Qualifications Framework (NQF) vervang word.

4 Polisdokumente en Riglyne

Hierdie omsendbrief word deur die volgende polisdokumente of riglyne ondersteun:
4.1. National Senior Certificate: A qualification at Level 4 on the National Qualifications Framework (NQF);
4.2 Nasionale Kurrikulumverklaring graad 10 – 12 (Algemeen) wat die Vakverklarings vir die verskeie goedgekeurde vakke insluit;
(sien Department of Education: Documents - Policies)
4.3 Leerprogramriglyne vir die verskeie goedgekeurde vakke;
(sien Department of Education: Documents - Policies)
4.4 Vakassesseringsriglyne vir die verskeie goedgekeurde vakke;
(sien Department of Education: Documents - Policies)
4.5 National Protocol on Assessment for schools in the General and Further Education and Training Bands (Grades R – 12); en
4.6 Minimum vereistes vir Hoër Sertifikate, Diploma- en BA-programme wat `n Nasionale Senior Sertifikaat vereis (Minimum requirements for Higher Certificate, Diploma and Bachelor’s Degree Programmes requiring a National Senior Certificate)  (sien Omsendbrief 53 van 2005).

5. Hoofde van alle inrigtings wat die Senior Sertifikaat en Nasionale Senior Sertifikaat aanbied moet verseker dat hulle al die bogenoemde dokumentasie by hulle skool het en dat die skoolgemeenskap aktief met hierdie dokumente besig is.


GETEKEN: S.M. NAICKER
HOOF: ONDERWYS
DATUM: 2006:02:06

National Senior Certificate: A qualification at Level 4 on the National Qualifications Framework (NQF)  (grootte: 293 KB)
National Protocol on assessment for schools in the General and Further Education and Training Bands (Grades R – 12)  (grootte: 448 KB)
Minimum requirements for Higher Certificate, Diploma and Bachelor’s Degree Programmes requiring a National Senior Certificate  (grootte: 161 KB)