1. Die wysigings in hierdie omsendbrief vervang die bepalings aangaande die literatuurstudielyste vir graad 11 in Omsendbriewe 0035/2006 en 0057/2006, wat op 2008/03/30 verval.
2. Enige van die titels wat vir graad 10 en 11 vir 2005 en 2006 onderskeidelik voorgeskryf is, mag steeds gebruik word as voorgeskrewe werke vir die graad 11-leerders van 2007, asook enige van die titels voorheen vir graad 11 voorgeskryf, op voorwaarde dat dit van 'n geskikte standaard vir die betrokke leerders is.
3. Sommige van die voorgeskrewe boeke mag aanstoot gee aan sekere lesers. Onderwysers moet dus die taalgebruik en temas versigtig ontleed voor hulle boeke vir hulle leerders kies.
4. 'n Skool wat graag 'n boek wil gebruik wat nie op hierdie lyste verskyn nie, moet die moontlike gebruik van sodanige boek met die Kurrikulumadviseur vir Tale vir daardie besondere skool bespreek.
5. Die nasionale Onderwysdepartement het onlangs die aangehegte graad 11-literatuurstudielyste vir 2007 uitgereik. Die Wes-Kaap Onderwysdepartement sal nie meer provinsiale letterkundevraestelle vir graad 11 in 2007 opstel, soos oorspronklik aan skole genoem is nie, op grond van die lang lyste wat voorsien word. Daar sal dus van skole verwag word om self die verskillende letterkundevraestelle op te stel vir die tale wat deur hulle leerders aangebied word.
6. Die WKOD maak verskoning vir enige ongerief wat deur hierdie verandering veroorsaak is.


GETEKEN: S.N. NAICKER
HOOF: ONDERWYS
DATUM: 2006:11:24

Gewysigde lys van voorgeskrewe boeke  (grootte: 20 KB)