| 1. |
Die Minister van Staatsdiens en Administrasie het 'n bepaling uitgereik met betrekking tot die instelling van die Werknemergeïnisieerde Skeidingspakket (WGSP).
|
| 2. |
TOEPASSING VAN DIE BEPALING
Die bepaling is van toepassing op alle opvoeders wat permanent aangestel is ingevolge die Wet op die Indiensneming van Opvoeders, 1998 (Wet 76 van 1998) soos gewysig.
|
| 3.1 |
Die bepaling het ten doel om die opvoeders wat geaffekteer word deur transformasie en herstrukturering en wat die diens van die Wes-Kaap Onderwysdepartement (WKOD) wil verlaat, die geleentheid te bied om aansoek te doen om 'n werknemergeïnisieerde skeidingspakket wat daartoe sal lei dat die opvoeder uit die diens van die WKOD gestel word indien dit goedgekeur sou word.
|
| 3.2 |
Die nasionale Departement van Onderwys het die volgende verduideliking voorsien van wat "opvoeders wat deur transformasie en herstrukturering geaffekteer word" beteken:
Transformasie
… het betrekking op omstandighede waar daar 'n behoefte aan verandering is in die aard, funksie of toestand van 'n opvoeder se voortgesette diens ten einde die beginsels van publieke administrasie te kan toepas, soos vervat in artikel 195 van die Grondwet, 1996. In die praktyk sal sulke omstandighede tipies met die volgende verband hou:
Die verbetering van die effektiewe gebruik van hulpbronne
Die gelykberegtigende voorsiening van openbare dienste
Die skepping van 'n verteenwoordigende werksmag
Herstrukturering
…het betrekking op omstandighede waar 'n opvoeder se voortgesette diens ongewens is as gevolg van die volgende:
|
| 4. |
TOEPASSING VAN DIE BEPALING
Slegs opvoeders wat deur transformasie en herstrukturering beïnvloed word, mag ingevolge die Wet op die Indiensneming van Opvoeders, 1998 (Wet 76 van 1998) aansoek doen om uit die diens van die WKOD gestel te word kragtens die Werknemergeïnisieerde Skeidingspakket. Die toekenning van die pakket is nie onderworpe aan 'n voorwaarde dat sodanige opvoeder nie vir heraanstelling in die staatsdiens oorweeg mag word of daarvoor mag aansoek doen nie.
|
| 5. |
KRITERIA VIR OORWEGING VAN AANSOEKE
|
| 5.1 |
Wanneer die uitvoerende gesag (of gedelegeerde) 'n aansoek ontvang, moet hy/sy besluit of die aansoek ondersteun gaan word of nie.
|
| 5.2 |
Wanneer die aansoek oorweeg word, moet ten minste die volgende kriteria in berekening gebring word:
|
| 5.2.1 |
Die impak van die opvoeder se uitdienstrede op die diensleweringvermoë van die WKOD
|
| 5.2.2 |
Die opvoeder se bevoegdheid en geskiktheid vir voortgesette diens
|
| 5.2.3 |
Die wyse waarop die opvoeder se uitdienstrede die transformasie en herstrukturering van die Departement sal ondersteun
|
| 5.2.4 |
Die bepaalde redes vir die opvoeder se versoek
|
| 5.2.5 |
Die vermoë van die WKOD om die koste verbonde aan die betaling van die skeidingspakket te dra (bv. die terugbetaling aan die Pensioenfonds, skeidingsbetalings, verlofuitbetalings)
|
| 5.2.6 |
Die impak van die toestaan van die skeidingspakket op die moraal van die ander opvoeders
|
| 5.2.7 |
Of die opvoeder 'n pos op die WKOD se diensstaat beklee en of die opvoeder bykomend is op die diensstaat
|
| 6. |
KENNISGEWING VAN DIENSBEËINDIGING
'n Opvoeder moet, by die ontvangs van kennisgewing dat sy/haar aansoek goedgekeur is, in ooreenstemming met die Wet op die Indiensneming van Opvoeders, 1998 (Wet 76 van 1998), uit diens gestel word. Die uitdienstrede van die opvoeder moet in werking tree binne twee maande na die datum van die kennisgewing van goedkeuring van sy/haar aansoek.
|
| 7.1 |
Enige aanklag van wangedrag of onvermoë teen 'n opvoeder moet eers afgehandel word voordat sy/haar aansoek oorweeg kan word.
|
| 7.2 |
Indien 'n aansoek geweier word, is dit nie nodig om die aansoek na die Minister van Staatsdiens en Administrasie te stuur nie.
|
| 7.3 |
Indien 'n aansoek geweier word, moet die gronde vir die weiering skriftelik aangedui word.
|
| 7.4 |
Opvoeders moet ingelig word omtrent hulle reg om 'n besluit te laat hersien. In hierdie geval moet daar aan die Wet op die Bevordering van Administratiewe Geregtigheid, 2000 (Wet 3 van 2000) voldoen word.
|
| 8. |
BREË FOKUS VAN BESLUITNEMINGSKRITERIA
Die breë fokus van die kriteria soos uiteengesit in paragraaf 5.2 hierbo is dat 'n gesonde balans gevind moet word tussen die eise van dienslewering en transformasiedoelwitte (diensbillikheid met die oog op 'n meer verteenwoordigende werksmag). Die ministeriële bepaling het as primêre fokus kontinuïteit en stabiliteit in dienslewering. Dit is dus duidelik dat nie alle aansoeke suksesvol sal wees nie. 'n Holistiese benadering sal deurlopend toegepas moet word om seker te maak dat waardevolle vaardighede en kundigheid nie vir die WKOD verlore raak nie.
|
| 9. |
OPVOEDERS WAT REEDS GERAAK IS DEUR VORIGE HERSTRUKTURERING
Alle opvoeders wat botallig verklaar is, kan om die skeidingspakket aansoek doen.
|
| 10. |
PROSEDURE VIR OORWEGING VAN AANSOEKE
Aansoeke moet soos volg ingedien word:
|
| 10.2 |
Die aansoekvorm moet ingedien word by sy of haar direkteur/hoof van die inrigting vir kommentaar/aanbeveling. Die prinsipaal (kringbestuurder in die geval van 'n prinsipaal) en direkteur moet sy/haar kommentaar/aanbeveling onder Afdeling B van Bylae A aanbring.
|
| 10.3 |
Die volledige voltooide aansoekvorm moet by die Direktoraat: Personeelbestuur (Opvoeders), Vir aandag: Me MHW Engelbrecht, Kamer 10-03, ingedien word, wat die verdere verwerking en koördinering van alle aansoeke sal hanteer.
|
| 11. |
BESLUITNEMINGSPROSES
Die volgende besluitnemingsprosesse is uiteengesit in die bepaling van die Minister van Staatsdiens en Administrasie:
|
| 11.1 |
Die bepaalde Lid van die Uitvoerende Raad (LUR) (of die Hoof: Onderwys) moet aandui of hy/sy die aansoek ondersteun of nie.
|
| 11.2 |
Die Minister van Staatsdiens en Administrasie moet sy/haar kommentaar met betrekking tot elke aansoek verskaf.
|
| 11.3 |
Die LUR (of die Hoof: Onderwys) moet 'n finale besluit neem.
|
| 12. |
Maak asseblief seker dat alle opvoeders kennis dra van die inhoud van hierdie omsendbrief.
|
| 13. |
U samewerking in hierdie verband word waardeer.
|
GETEKEN: R.B. SWARTZ
HOOF: ONDERWYS
DATUM: 2006:10:20
|