| 1. |
Die Wes-Kaap Onderwysdepartement (WKOD) ondervind probleme met die verwerking van aansoeke om ander besoldigde werk buite die Staatsdiens te verrig.
|
| 2. |
Die volgende probleme kom meestal in hierdie verband voor:
Die aansoekbrief dui nie die aard van die werk aan wat die aansoeker wil verrig nie.
Aanbevelings van die betrokke partye ontbreek.
Daar word nie aansoek gedoen om die hernuwing van aansoeke wat vir 'n tydperk van slegs 12 maande goedgekeur is nie.
Die dokumente ter ondersteuning van aansoeke om eie praktyke te bedryf, soos bv. dié van sielkundiges of arbeidsterapeute, word nie volledig ingedien nie.
|
| 3. |
Duidelikheidshalwe word die stappe vir verskillende tipe aansoeke om ander besoldigde werk buite die Staatsdiens te verrig soos volg in die aangehegte bylaes uiteengesit:
Bylae A: Algemene beginsels met betrekking tot aansoeke om ander besoldigde werk buite die Staatsdiens te verrig.
Bylae B: Algemene beginsels met betrekking tot aansoeke om 'n eie praktyk te bedryf (bv. sielkundiges, fisioterapeute, arbeidsterapeute, ens.).
Bylae C: Algemene beginsels met betrekking tot aansoeke om eie besigheid te bedryf en/of die registrasie van 'n beslote korporasie.
|
| 4. |
Dit dien gemeld te word dat die bepalings van Omsendbrief 0019/2005 steeds geld ten opsigte van aansoeke om te dien as raadslede.
|
GETEKEN: J.H. HURTER
HOOF: ONDERWYS
DATUM: 2006:09:15
|