| 1. |
Dit het onder die aandag van die Direktoraat: Kurrikulumontwikkeling van die Wes-Kaap Onderwysdepartement (WKOD) gekom dat sommige kandidate 'n potlood gebruik om vrae in die Senior Sertifikaat-eksamen, veral in Wiskunde en Rekeningkunde, te beantwoord.
|
| 2. |
Hoewel die argument meriete het dat 'n potlood kandidate in staat stel om foute in die eksamenvraestelle uit te vee, bepaal die beleid van die nasionale Departement, die WKOD en Umalusi ten opsigte van die aflę van die Senior Sertifikaat-eksamen duidelik dat geskrewe vrae slegs in swart of blou ink beantwoord moet word en dat vrae wat in potlood beantwoord word nie nagesien mag word nie.
|
| 3. |
Die Departement versoek dat die gebruik van potlode deur kandidate wat eksamen aflę, beperk moet word tot sketse, tekeninge, diagramme, rofwerk, tekene-eksamens en die Musiekeksamen oor harmonie en komposisie, en waar dit ookal op 'n eksamenvraestel aangedui word dat 'n kandidaat 'n potlood moet gebruik. Geen ander antwoorde mag in potlood geskryf word nie.
|
| 4. |
Eksaminators en nasieners sal in kennis gestel word om antwoorde te ignoreer wat in potlood geskryf word waar die kandidaat swart of blou ink moes gebruik het. Geen punte sal aan sulke antwoorde toegeken word nie.
|
| 5. |
Aangesien hierdie inligting noodsaaklik is vir Senior Sertifikaat-kandidate, moet u asseblief die inhoud van hierdie omsendbrief onder die aandag van al die onderwysers en graad 10 tot 12-leerders in u skool bring.
|
GETEKEN: S.M. NAICKER
HOOF: ONDERWYS
DATUM: 2006:09:26
|