| 1. |
Ingevolge Regulasies 9 en 10 van Hoofstuk J van die Personeel-administrasiemaatreëls (PAM), Regulasie F (c) van Deel V van die Staatsdiensregulasies, 2001, sowel as paragrawe 13 en 14 van die Direktief oor Verlof in die Staatsdiens, kan die Onderwyshoof addisionele siekteverlof (tydelike ongeskiktheidsverlof) aan 'n werknemer toestaan wie se normale siekteverlofvoorsiening (36 dae binne 'n driejaarsiklus) uitgeput is. Hierdie addisionele siekteverlof word toegestaan op grond van die meriete van elke aansoek en na oorweging van die omstandighede en mediese sertifikate en verslae wat so 'n aansoek ter stawing vergesel.
|
| 2. |
Ingevolge artikel 8 van die Wet op Arbeidsverhoudinge, 1995 (Wet 66 van 1995) moet 'n werkgewer binne 30 dae na ontvangs van 'n verdere aansoek om siekteverlof van 'n werknemer wie se siekteverlofvoorsiening (36 dae) reeds uitgeput is, die aard en omvang van sodanige werknemer se ongeskiktheid bepaal. Die werkgewer moet dan, afhangende van die aard en omvang van die ongeskiktheid, die werknemer inlig van sy besluit en ook wat die verdere prosedure is indien die ongeskiktheid van 'n permanente en omvattende aard sou wees.
|
| 3. |
Die buitensporige benutting van siekteverlof het 'n bron van groot kommer in die openbare sektor geword omdat dit 'n invloed het op die werkgewer se verbintenis tot dienslewering. Besonder sterk klem word dus gelę op die benutting en bestuur van verlof, veral siekteverlof, en die voormelde voorskrifte plaas `n verpligting op beide werkgewer en werknemer om aan die voorgeskrewe vereistes in hierdie verband te voldoen. Werknemers moet daarop let dat daar 'n verpligting op hulle is om binne 5 dae nadat hulle daarvan bewus geword het dat hulle tydelike ongeskitheidsverlof benodig of sal benodig, bv. vir 'n operasie, daarom aansoek te doen. Die volgende kan as voorbeeld dien:
'n Werknemer is met siekteverlof afwesig. Hy of sy het reeds 30 dae siekteverlof binne `n spesifieke siklus benut en `n dokter beveel nog 15 dae as hersteltydperk aan. Dit sal dus daarop neerkom dat die toegelate 36 dae binne `n siklus met 9 dae oorskry gaan word. So `n persoon moet onmiddellik, en nie later nie as 5 dae nadat hy of sy van die oorskryding bewus geword het, om tydelike ongeskiktheidsverlof aansoek doen. Dieselfde geld vir 'n nuwe siektetoestand wat ook tot oorskryding van die 36 dae aanleiding sal gee.
|
| 4. |
In 'n poging om die verskynsel van buitensporige siekteverlof onder beheer te kry, het die Departement vir Staatsdiens en Administrasie, met die goedkeuring van die Kabinet, as loodsdepartement 'n eenvormige beleid ontwikkel wat van toepassing is op alle sektore binne die openbare sektor. Hierdie beleid, by name die Beleid en Prosedure ten opsigte van Ongeskiktheid en Uitdienstrede weens Swak Gesondheid (Policy and Procedure on Incapacity Leave and Ill-Health Retirement – PILIR), het met ingang van 1 Junie 2006 in werking getree in die departemente wat onder die Provinsiale Regering van die Wes-Kaap ressorteer.
|
| 5. |
Ten einde die regverdige beoordeling van alle aansoeke om addisionele siekteverlof, selfs een dag in oorskryding van die siekteverlofvoorsiening van 36 dae binne 'n siklus, sowel as aansoeke om weens mediese redes uit diens te tree te fasiliteer, is 'n onafhanklike diensverskaffer, SOMA INITIATIVE, as Gesondheidsrisikobestuurder vir die Wes-Kaap aangestel. Hierdie organisasie, wat bestaan uit 'n paneel van mediese praktisyns en spesialiste, sal die die WKOD adviseer oor die aard en omvang van ongeskiktheid van personeellede, of verdere tydelike ongeskiktheidsverlof toegestaan behoort te word en of 'n persoon uit diens behoort te tree. Hulle aanbevelings sal die WKOD in staat stel om meer ingeligte besluite ten opsigte van die hantering van aansoeke te neem. Dit moet ook hier beklemtoon word dat die onus op werknemers rus om te bewys dat hulle nie geskik is om te werk nie. Al die nodige bewyse wat die Gesondheidsrisikobestuurder verlang, sal deur die aansoeker verskaf moet word.
|
| 6. |
Soos in paragraaf 3 gemeld, moet werknemers binne 5 dae na die aanvang van ongeskiktheid op die voorgeskrewe wyse en op die nuwe vorms aansoek doen om die toestaan van addisionele siekteverlof. Dit is steeds 'n werknemer se reg om aansoek te doen om addisionele siekteverlof, of om weens gesondheidsredes uit diens te tree, maar dit is steeds die werkgewer se prerogatief om aansoeke goed of af te keur of om in die geval van verlof te besluit vir hoe lank sodanige ondersteuning sal voortduur. Besluite sal nou met die insette van die Gesondheidsrisikobestuurder meer effektief en vinniger geneem kan word.
|
| 7. |
Ingevolge die nuwe beleid is die werkgewer (WKOD) verplig om binne 30 dae na ontvangs van 'n korrek voltooide en volledige aansoek 'n besluit te neem oor die spesifieke aansoek. Hierdie besluit word in die Personeelkantoor te Hoofkantoor geneem wat gedelegeerde bevoegdheid daartoe het. Werknemers sal dus betreklik vinnig van besluite in kennis gestel word. Dit sal toesighouers ook in staat stel om gepaste alternatiewe reëlings te tref en hul personeel beter te bestuur.
|
| 8. |
Die voorgeskrewe nuwe aansoekvorms is lywige dokumente [en dit kan ongelukkig nie hierby aangeheg word nie] - these forms have been attached to this document - see papargarph 9 below. Dit is egter, tesame met verdere inligting oor die gebruik daarvan, beskikbaar op die webtuiste www.dpsa.gov.za en die besonderhede kan soos volg bekom word:
|
| 8.1 |
Kliek aan die linkerkant op Document Archive
|
| 8.3 |
Kliek op Conditions of Service en gaan na Leave
|
| 8.4 |
Kliek op 5 December 2005
– die verskillende vorms of Bylaes kan gevind word deur te kliek op Note…….
These forms/annexures are also available below - see papargarph 9
|
| 9. |
Ter verduideliking word die onderskeie vorms en die omstandighede waaronder dit aangewend moet word, kortliks omskryf:
|
| 9.1 |
Die eerste vorm, Bylae A, is 'n aansoekvorm vir kort tydperke (1 tot 29 dae) van siekteverlof in oorskryding van die 36 dae. Die vorm moet voltooi word deur die werknemer, die werkgewer (WKOD-hoofkantoor), die Gesondheidsrisikobestuurder en die Departementshoof. Die werknemer word na oorweging ingelig van die finale besluit.
|
| 9.2 |
Die tweede vorm, Bylae B, is vir lang tydperke (30 dae en meer) van siekteverlof in oorskryding van die 36 dae. Die vorm moet ingevul word deur die werknemer, sy of haar geneesheer, die werkgewer (WKOD-hoofkantoor), die Gesondheidsrisikobestuurder en die Departementshoof. Die werknemer word in hierdie geval ook ingelig van die finale besluit.
|
| 9.3 |
Die derde vorm, Bylae E, is vir uitdienstrede weens swak gesondheid. Hierdie vorm moet voltooi word deur die werkgewer (WKOD-hoofkantoor), die werknemer en sy of haar geneesheer. Addisionele stawende verslae mag voorgelę word. Die finale besluit sal ook deur die Departementshoof geneem word.
|
| 9.4 |
Die vierde vorm, Bylae F, is 'n verkorte aansoek om uitdienstrede weens swak gesondheid. Hierdie vorm kan voltooi word indien die Departementshoof van mening is dat, na 'n volledige ondersoek vir die doeleindes van die toestaan van siekteverlof vir 'n lang tydperk van afwesigheid, die werknemer tog as gevolg van swak gesondheid uit diens behoort te tree.
|
| 9.5 |
'n Beroep word gedoen op elkeen wat hierdie vorms of 'n gedeelte daarvan invul om sorg te dra dat dit korrek ingevul word, dit deur die regte persone en op die korrekte plekke onderteken word en dat dit gedateer word. Indien vorms nie korrek ingevul is nie, sal dit teruggestuur moet word, wat sake sal vertraag.
|
| 10. |
Opvoedkundige inrigtings wat nie oor Internetfasiliteite beskik nie, kan die vorms van die betrokke OBOS verkry.
|
| 11. |
Ingevulde vorms moet asseblief gestuur word aan die Die Direkteur: Personeelbestuur (Onderwyspersoneel), Verlofafdeling, by Hoofkantoor in die geval van opvoeders en aan die Direkteur: Personeelbestuur (Staatsdiens), Verlofseksie, in die geval van staatsdienspersoneel. Die adres is in beide gevalle Privaatsak 9114, Kaapstad, 8000.
|
| 12. |
Die inhoud van hierdie omsendbrief moet onder die aandag van al die personeel onder u beheer gebring word en hoofde van inrigtings moet ook 'n afskrif van die omsendbrief aan die voorsitter van die beheerliggaam beskikbaar stel.
|
| 13. |
U samewerking in hierdie verband en voortgesette pogings om siekteverlof doelgerig te bestuur, sal op prys gestel word.
|
GETEKEN: J.H. HURTER
HOOF: ONDERWYS
DATUM: 2006:09:01
|