1. In teenstelling met die gebruik in die verlede sal die Wes-Kaap Onderwysdepartement (WKOD) nie meer meublement namens die skole bestel nie. In plaas daarvan het die WKOD ‘n tweejaarkontrak met verskeie verskaffers gesluit om meublement-items wat in skole gebruik word aan skole te verskaf. Die gekeurde verskaffers van hierdie items word aangetoon in die aangehegte Bylae A (slegs in Engels beskikbaar).
2. Skole moet nog steeds hulle meublementbehoeftes teen 31 Januarie elke jaar voorlę, soos op die skoolkalender aangedui. Dit word benodig vir begrotingsdoeleindes. Skole moet seker maak dat die meublementbehoeftes deur die kringbestuurder gesertifiseer is en dit via die OBOS voorlę.
3. Die WKOD sal die behoefte verifieer teenoor vorige verskaffings soos aangetoon op die WKOD se databasis. Wanneer dit gedoen is, sal skole in kennis gestel word dat ‘n oordragbetaling in die skool se bankrekening gemaak sal word. ‘n Aanvanklike inbetaling gelyk aan 50% van die oordragbetalingsbedrag sal gedoen word sodra die skool afskrifte van die bestellings wat by die onderskeie verskaffers geplaas is, voorgelę het en die genoemde afskrifte gesertifiseer is as deur die verskaffers ontvang.
4. Skole word versoek om ‘n afskrif van die faktuur soos verskaf deur die leweransier by aflewering en gesertifiseer deur die voorsitter van die beheerliggaam, aan die WKOD voor te lę. By ontvangs daarvan sal die finale 50% van die oordragbetaling aan die skool gemaak word ten einde die skool in staat te stel om die leweransiers te betaal. Die skool moet hierna afskrifte van die gewisselde tjeks wat gebruik is om die verskaffers mee te betaal voorlę as bewys dat die rekeninge wel vereffen is. Die afskrifte van die gewisselde tjeks moet binne 60 dae van die datum waarop die oordragbetaling gemaak is, aan die WKOD voorgelę word.
5. Skole mag hierdie fondse vir geen ander doel as dit waarvoor dit bedoel is, gebruik nie. Skole mag ook nie bestellings plaas by verskaffers wat nie in Bylae A verskyn nie. Prinsipale moet daarop let dat, indien daar nie gehou word by die voorwaardes van die oordragbetaling vir die aankoop van meublement nie, verdere betalings ingevolge die Norme-en-Standaardetoekenning teruggehou word tot tyd en wyl daar aan die voorwaardes voldoen is.
6. Prinsipale word versoek om die voorsitter van die beheerliggaam dienooreenkomstig in te lig.


GETEKEN: L.J. ELY
HOOF: ONDERWYS
DATUM: 2006:02:21

Bylae A  (grootte: 34 KB)