1. Hierdie omsendbrief vervang Omsendbrief 58/2000.
2. Skole wat die aantal vakke of grade wat hulle tans aanbied wil vermeerder of verminder, of wat die huidige taal van onderrig vir graad R tot 9 of graad 10 tot 12 wil verander, moet die aangehegte aansoekvorms gebruik. and are requested to complete and return the attached form.
2.1 Prinsipale moet hulle aansoeke op die betrokke aansoekvorm teen 31 Mei van die jaar voor die beoogde verandering by die kringbestuurder indien.
2.2 Die kringbestuurder moet die voltooide vorm aan die Subdirektoraat: Inrigtingsbestuur vir aandag: Mnr J. Solomons stuur teen nie later nie as 30 Junie van daardie jaar.
3. Die WKOD sal die skole teen 31 Augustus van dieselfde jaar van die besluit rakende hul aansoek verwittig. Sodra die leerderinskrywings gefinaliseer is, moet prinsipale via hul kringbestuurders die getalle by Hoofkantoor bevestig.
4. Prinsipale, kringbestuurders en OBOS-direkteure word versoek om streng by bogenoemde datums te bly, aangesien laat aansoeke nie oorweeg sal word nie.
5. PROSEDURE:
1. Prinsipaal van skool (met die ondersteuning van die skoolbeheerliggaam)Dien ‘n behoorlik gemotiveerde voorstel op die voorgeskrewe vorm by die kringbestuurder in
2. KringbestuurderLewer kommentaar op die aansoek. Doen die nodige ondersoek na die voorgestelde graad/grade wat ingestel sal word (bv. beskikbaarheid van laboratoriums, klaskamers, personeel, impak op naburige skole, ens.). Doen ‘n aanbeveling en stuur die aansoek aan die OBOS-direkteur.
3. OBOS-direkteurOorweeg die aansoek en maak ‘n aanbeveling aan Hoofkantoor.
4. Direktoraat: Logistieke DiensteRegistreer die aansoek en skeduleer dit vir voorlegging aan die komitee vir evaluering en ‘n besluit aan die hand van fondse.
5. Die Direktoraat: Personeelbestuurontvang 'n afskrif van die aansoek en dui die beskikbaarheid van fondse vir die aangevraagde poste aan.
6. Direktoraat: Logistieke Dienste stel ‘n voorlegging op aan betrokke Hoofdirekteur vir oorweging.1. Hoofdirekteur roep evalueringskomitee byeen om te adviseer. 2. Betrokke hoofdirekteur neem besluit oor aansoek.
7. Direktoraat: Logistieke DiensteStel skool in kennis van die beskikbaarheid van fondse vir LOOM en toerusting.
8. Direktoraat: PersoneelbestuurStel skool in kennis van die addisionele poste, indien enige.
6. Die bogenoemde prosedure is nodig omdat die WKOD die algehele voorsiening van onderwys in die provinsie moet evalueer voordat enige verandering aan die aantal grade, taal van onderrig of vakkeuses by ‘n bepaalde skool goedgekeur kan word.


GETEKEN: J.H. LYNERS
HOOF: ONDERWYS
DATUM: 2006:08:14

Vorm WKOD 092  (grootte: 11 KB)