| 1.1 |
Die Nasionale Senior Sertifikaat, wat vir die eerste keer in 2008 afgeneem gaan word, gee leerders die geleentheid om een vak van `n assesseringsliggaam anders as die Departement van Onderwys, te skryf.
|
| 1.2 |
Sulke vakke kan net aangebied word indien daar vir hulle voorsiening gemaak is binne die nasionale beleid.
|
| 2. |
Goedkeuring van Moderne Grieks
|
| 2.1 |
Die Minister van Onderwys het, volgens Omsendbrief S5 van 2006, die volgende vak van die Onafhanklike Eksamenraad goedgekeur, en dit sal nou vir graad 10 – 12 (Algemeen) as ‘n nie-amptelike taal ingesluit word.
| VAK | VAKNOMMER |
| | Graad 10 | Graad 11 | Graad 12 |
| Moderne Grieks Tweede Addisionele Taal | 04070012 | 04070023 | 04070034 |
|
| 2.2 |
Moderne Grieks Tweede Addisionele Taal sal, soos dit hierbo aangedui is, in paragraaf C2 van die beleidsdokument National Senior Certificate: A qualification at Level 4 on the National Qualifications Framework (NQF) gedokumenteer word.
|
| 2.3 |
Die OER gaan verantwoordelik wees vir interne assessering en die eindeksamen vir Moderne Grieks. Hulle sal ook verantwoordelik wees vir die moderering van interne assesserings. Kandidate wat Moderne Grieks aanbied behoort dus, behalwe hulle normale registrasie vir die Nasionale Senior Sertifikaat by die skool wat hulle bywoon, ook by die OER vir die aflegging van die interne assessering en die eindeksamen van die vak te registreer. Kandidate moet daarop let dat die OER vir elke vak waarvoor ‘n kandidaat registreer,`n bedrag hef en bedrag vir Moderne Grieks kan direk van die OER verkry word.
|
| 2.4 |
Moderne Grieks sal vir die eerste keer in Graad 10 in Januarie 2007 aangebied word. Die eerste eksterne eksamen in Graad 12 sal in 2009 afgeneem word.
|
| 2.5 |
Leerders kan vanaf 2007 Moderne Grieks as vak aanbied, onderworpe aan die voorwaarde soos genoem in Omsendbrief 0021/2006, nl. dat `n maksimum van een vak van `n ander geakkrediteerde eksamineringsliggaam as die Departement van Onderwys in hulle pakket van vakke vir die Nasionale Senior Sertifikaat ingesluit mag word.
|
| 3. |
Bring asseblief die inhoud van hierdie omsendbrief onder die aandag van alle onderwysers en ouers.
|
GETEKEN: S. NAICKER
HOOF: ONDERWYS
DATUM: 2006:07:28
|