| 1. |
Omsendbrief 0020/2002 van 14 Februarie 2002 en 0120/2003 van 7 Mei 2003 aangaande die noodsaaklikheid vir die elektroniese deponering van alle salarisse en verwante betalings direk in opvoeders se bankrekenings, het betrekking.
|
| 2. |
Sekere ongerymdhede met betrekking tot die gebruik van die Z56-vorm (‘n aansoekvorm vir die direkte deponering van salarisse in ‘n bankrekening) het die Wes-Kaap Onderwysdepartement genoop om ‘n nuwe aansoekvorm te ontwerp (afskrif aangeheg).
|
| 3. |
Geliewe kennis te neem dat slegs die nuwe aansoekvorm (Application to Deposit Salary in Bank Account) vanaf die datum van verspreiding van hierdie omsendbrief aanvaar sal word en dat alle ander aansoekvorms as ongeldig beskou sal word.
|
| 4. |
Hoofde van inrigtings moet verseker dat die regterduimafdruk van enige nuutaangestelde personeellid, ‘n personeellid wat na ‘n breuk in diens heraangestel word, of ‘n personeellid wat ‘n verandering in sy of haar bankbesonderhede wil aanbring, op die aansoekvorm verskyn en dat die aansoekvorm vergesel word van ‘n gewaarmerkte afskrif van die personeellid se identiteitsdokument. Slegs die oorspronklike vorm, voltooi in die personeellid se eie handskrif, mag ingedien word, aangesien geen afskrifte of fakse aanvaar sal word nie.
|
| 5. |
Die inhoud van hierdie omsendbrief moet asseblief onder die aandag van alle werknemers gebring word.
|
GETEKEN: G.J. ELLIOTT
HOOF: ONDERWYS
DATUM: 2006:06:30
|